Ըստ Տիգրան Սարգսեյանի, արտաքին պարտքերի վերադարձման հետ
կապուած վտանգը առաջնային չէ Հայաստանի կառավարութեան համար
25-12-2009 19:40:00 | Հայաստան | Տնտեսութիւն
ԵՐԵՎԱՆ, 25 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Համաշխարհային
ֆինանսատնտեսական ճգնաժամի յետագայ զարգացումների վերաբերեալ առկայ է
4 սցենար, որոնք ենթադրում են տնտեսութեան ինչպէս արագ կամ
երկարատեւ` մօտ 10 տարի, վերականգնում, այնպէս էլ ճգնաժամի երկրորդ
ալիքը: Ինչպէս դեկտեմբերի 25-ի ասուլիսում յայտարարեց ՀՀ վարչապետ
Տիգրան Սարգսեանը, Հայաստանը պէտք է պատրաստ լինի բոլոր
տարբերակներին:
«Մենք մուտք ենք գործում 2010թ.-ն 80 մլրդ դրամի մնացորդով:
Կայունացման հիմնադրամում ունենք 54 մլրդ դրամ, բացի այդ 100
միլիոն դոլարի ստացման խոստումներ ունենք միջազգային ֆինանսական
կառոյցներից եւ այդ ամէնը միասին վերցրած լուրջ հիմք է ստեղծում
2010թ.-ի նոր փորձություններին դիմագրաւելու համար»,- ընդգծեց
վարչապետը:
Անդրադառնալով Հայաստանի արտաքին պարտքին, Տ.Սարգսեանը նշեց,
որ արտաքին պարտքերի վերադարձման հետ կապուած վտանգը առաջնային չէ
Հայաստանի կառավարութեան համար: «Այս պահի դրութեամբ արտաքին
պարտքի վերադարձելիության յուսալիութիւնը բաւականին բարձր է, եւ
այն մեծ բեռ չէ երկրի համար: Մենք ունենք հնարաւորութիւն այդ
պարտքային բեռը աւելացնելու, յատկապէս, որ դա իրականցնում ենք
միջազգային կազմակերպութիւնների հետ համատեղ»,- ասաց վարչապետը: