ԳՈՅԱՆԳ, 30 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հարաւկորեական Գոյանգ քաղաքում անցկացուող ծանրամարտի աշխարհի առաջնութիւնում նոյեմբերի 28-ին մրցահարթակ ելաւ Հայաստանի 7-րդ պատուիրակը` Հռիփսիմէ Խուրշուդեանը (75 կգ, Քասախ): Կանանց մրցաշարում նա 3-րդը ճանաչուեց պոկում (120 կգ), հրում (147 կգ) վարժութիւններում եւ երկամարտում (267կգ): Իսկ չեմպիոնի կոչումը նուաճեց Սւետլանա Պոդոբեդովան (Ղազախստան)` 132 կգ + 160 կգ = 292 կգ արդիւնքով: Նա սահմանեց նաեւ աշխարհի 4 ռեկորդ: Հայաստանի ծանրամարտի հաւաքականը նոյեմբերի 30-ին վերադարձավ Երեւան: Գոյանգի առաջնութիւնից հաւաքականը իր հետ հայրենիք բերեց 12 մեդալ` 3 ոսկէ, 4 արծաթէ եւ 5 բրոնզէ: Թիմային պայքարում այն գրաւեց 4-րդ պատուաւոր տեղը:

---