Հրանուշ Յակոբեան. Փոքրիկ Լուարայի հետ է
համայն հայութեան ոգին, բարոյական կորովն ու ջերմութիւնը
17-11-2009 18:30:00 | Հայաստան | Հասարակութիւն
ԵՐԵՎԱՆ, 17 ՆՈՅԵՄԲԵՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: ՀՀ
սփիւռքի նախարար Հրանուշ Յակոբեանը «Մանկական Եվրատեսիլ-2009»
երգի փառատոնում Հայաստանը ներկայացնող Լուարային աջակցելու կոչով
դիմել է աշխարհասփիւռ հայութեանը, հոյս յայտնելով, որ փառատոնի
անցկացման օրը` նոյեմբերի 21-ը, «լինելու է օրը միասնութեան,
համախմբուածութեան եւ յաղթանակի»:
Ինչպէս տեղեկացրեցին ՀՀ սփիւռքի նախարարութիւնից,
նախարարի ուղերձում, մասնաւորապէս, ասուած է.
«Դիմում եմ
աշխարհասփիւռ հայերին, հեռու մօտիկ ազգակիցներին,
հայրենակիցներին, բոլոր նրանց, ում հոգին վառւում է
հայկականությամբ, բոլոր նրանց, ում սիրտը հպարտութեամբ է լցուած իր
հայրենիքով, բոլոր նրանց, ում միտքը զբաղուած է Հայաստանով, նաեւ
նրանց, ում հայացքն ուղղուած է Մայր Հայրենիքին:
Դիմում եմ սիրով, հաւատով եւ յոյսով, քանի որ Լուարա
Հայրապետեանը` մեր փոքրիկ եւ չքնաղ հայուհին, մեր
պայծառ, քնքուշ դուստրն է եւ պատիւ ունի ներկայացնելու
Հայաստանը «Մանկական Եվրատեսիլ-2009» երգի փառատոնում` «Բարսելոնա»
ֆուտբոլային թիմին նվիրաված իր յաղթական երգով:
Վստահ եմ, որ մեր տատիկ-պապիկներն ու ողջ աշխարհասփիւռ
հայութիւնն անպայման կհամախմբվեն այդ օրը եւ կապացուցեն իրենց
միասնականութիւնը` քվեարկելով մեր չքնաղ Լուարայի համար: Համոզուած
եմ, որ մեր տղամարդիկ, որ հպարտօրէն ներկայացնում են հայերին
աշխարհի տարբեր ծեգերում, ժամանակ կգտնեն զանգահարել մեր հրաշք դստեր
համար: Գտնում եմ, որ հայ կանայք եւ աղջիկները համերաշխութիւն
կցուցաբերեն եւ ձայն կտան իրենց կրտսեր քրոջը` Լուարային:
Հաղթիր, սիրելի Լուարա, իսկ հաղթելու համար նախ պէտք է յաղթել
հոգով ու ոգով: Քո յաղթանակով դու աւելի կզորացնես հայ պատանիների
եւ աղջիկների հայ լինելու զգացողությունը եւ հպարտութիւնը, մեր
հաւաքական արարման ոգին: Սիրելի Լուարա, քո թիկունքում կանգնած է
Հայրենիքի եւ Սփիւռքի հայութեան` քեզ սատարող մի հզօր բանակ, քեզ
հետ է համայն հայութեան Ոգին, բարոյական կորովն ու ջերմութիւնը:
Մենք հաւատում ենք քո ձիրքին ու տաղանդին: Ուժեղ եղիր,
զորացիր յաղթանակով եւ զորացրու մեզ, սիրելի դուստր: Քեզ հետ է
համայն հայութեան խանդավառութիւնը, սէրը, հաւատը:
Սիրելի հայրենակիցներ, մենք Ոգու ժողովուրդ ենք: Ոգին է մեր
դարաւոր ընթացքի շարժիչ ուժը: Լուարա Հայրապետյանն այս պահին
իւրովի իրականացնում է մեր երգի յաղթութեան առաքելութիւն: Եկեք
միասնական կերպով 10 միլիոնանոց Հայկական աշխարհի բարոյական կորովն
ու սէրը, հաւատն ու ուժը փոխանցենք մեր սքանչելի դստերը եւ միասին
տոնենք յաղթանակը:
Մենք հաւատում ենք, որ նոյեմբերի 21-ը լինելու է օրը
միասնութեան, օրը համախմբուածութեան, օրը յաղթանակի:
Հարգանքներով` ՀՀ սփիւռքի նախարար` Հրանուշ Յակոբեան»