Մեկնարկել են «Բարի գալուստ Հայաստան» ասոցիացիայի օտարերկրեայ
դիւանագէտների համար կազմակերպած հայերէն լեզուի դասընթացները
17-11-2009 17:52:00 | Հայաստան | Հասարակութիւն
ԵՐԵՎԱՆ, 17 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի
17-ինհայաստանի ԱԳՆ-ում մեկնարկել են «Բարի գալուստ Հայաստան»
ասոցիացիայի կազմակերպած հայերէն լեզուի դասընթացները օտարերկրեայ
դիւանագէտների եւ նրանց ընտանիքների համար: Առաջին դասընթացին
ներկայ էին երկու տասնեակից աւելի դիւանագէտներ եւ նրանց
ընտանիքների անդամներ:
Ինչպէս նշուած է ՀՀ ԱԳՆ Մամուլի եւ տեղեկատուութեան վարչութեան
հաղորդագրութիւնում, հայերէն լեզուի դասընթացները Հայաստանում
ապրող օտարերկրացիների համար նաեւ լաւ հնարաւորութիւն են առաւել
մօտիկից ծանօթանալու հայ ժողովրդի պատմութեանը, մշակոյթին եւ
աւանդոյթներին:
Այս տարուայ սեպտեմբերին հիմնադրուած ասոցիացիան, որը գլխաւորում
է Նատալյա Նալբանդեանը, շահոյթ չհետապնդող կազմակերպութիւն է,
որի նպատակն է դյուրացնել արտասահմանցի դիւանագէտների եւ նրանց
ընտանիքների ինտեգրումը հայաստանեան կեանք:
ԴԱՍ. ՀԱՅԵՐԵՆ 
Հայերեն
Русский
English
French