Եւրոմիութեան Խորհրդատուական խումբը եւ Հայաստանի ՓՄՁ
Զարգացման ազգային կենտրոնը աջակցում են արտահանմամբ զբաղուող հայ
արտադրողներին մուտք գործել եւրոպական շուկայ
Եւրոմիութեան Խորհրդատուական խումբը եւ Հայաստանի ՓՄՁ
Զարգացման ազգային կենտրոնը աջակցում են արտահանմամբ զբաղուող հայ
արտադրողներին մուտք գործել եւրոպական շուկայ
05-11-2009 18:12:00 | Հայաստան | Տնտեսութիւն
ԵՐԵՎԱՆ, 5 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հայաստանում ԵՄ
Խորհդատվական խումբը Հայաստանի ՓՄՁ զարգացման ազգային կենտրոնի հետ
համատեղ փոքր եւ միջին ձեռնարկութիւնների ներկայացուցիչների համար
անցկացրել են սեմինար «Արտահանման տեղեկատու»-ի վերաբերեալ:
Սեմինարի ընթաէքում ՀՀ Պետական եկամուտների կոմիտէի ներկայացուցիչը
պատասխանել է արտահանուող ապրանքների համար կիրառուող հարկերի եւ
մաքսատուրքերի վերաբերեալ հարցերին:
Ըստ «ՆՏ»-ին տրամադրած հաղորդագրութեան, «Արտահանման
տեղեկատու»-ն իրենից ներկայացնում է տուեալների ինտերնետային անվճար
շտեմարան, որը նպաստում է երկրների բարեկեցութեանը եւ տնտեսական
զարգացմանը առեւտրի միջոցով, քանի որ դիւրին է դարձնում
արտահանողների մուտքը եւրոպական շուկաներ:
Սեմինարի նպատակն էր բարձրացնել «Արտահանման տեղեկատու»-ից
օգտուելու փոքր եւ միջին ձեռնարկատէրերի հմտութիւնները, որպէսզի
նրանք կարողանան ձեռք բերել մանրամասն տեղեկութիւններ արտահանման
համար նախատեսուած որոշակի ապրանքների, ինչպէս նաեւ ներկրման
անհրաժեշտ պահանջների վերաբերեալ: Սեմինարը հիմնականում նախատեսուած
էր ՓՄՁ ներկայացուցիների համար:
ԵՄ-ի Խորհրդատուական խումբը ստեղծուել է 2009թ.-ին: Բարձրակարգ
եւ յատուկ մշակուած խորհրդատւութեան միջոցով խումբն աջակցում է ՀՀ
կառավարութեանը Եւրոպական Հարեւանութեան քաղաքականութեան
գործողութիւնների ծրագրի իրականացման հարցում: Հայաստանն առաջին
երկիրն է, որը կօգտվի տեխնիկական աջակցութեան նպատակով կիրառուող
այս ինովացիոն մօտեցումներից: