Հայաստանեան 10 ընկերութիւններ կմասնակցեն երկրորդ ամենամեայ
Ինֆորմացիոն տեխնոլոգիաների տարածաշրջանային միջոցառմանը
26-10-2009 14:32:00 | Հայաստան | Տնտեսութիւն
ԵՐԵՎԱՆ, 26 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Տեղեկատուական
հեռահաղորդակցության տեխնոլոգիաների ոլորտի Հայաստանեան 10
ընկերութիւններ կմասնակցեն հոկտեմբերի 29-30-ին Թբիլիսիում
(Վրաստան) կայանալիք երկրորդ ամենամեայ Ինֆորմացիոն տեխնոլոգիաների
տարածաշրջանային միջոցառմանը: Մասնակից ընկերութիւններից են
E-dram, CHS Verisel Service, Strategic Partners, E-works, Spyur,
Lime Tech, Margasoft Corp, IDS Design and Technologies, Grant
Thornton Amyot, Macadamian AR:
Հայաստանեան ընկերութիւնների մասնակցութիւնը միջոցառմանը
կազմակերպում եւ համակարգում է Ինֆորմացիոն տեխնոլոգիաների
ձեռնարկութիւնների միութիւնը (ԻՏՁՄ)` USAID/CAPS-ի
օժանդակությամբ:
«Համագործակցութիւն նորարարութեան եւ մրցունակութեան համար»
կարգախօսը կրող միջոցառման նպատակն է ստեղծել եւ խթանել
Կենտրոնական եւ Արեւելյան Եւրոպայի, Բալթեան երկրների, Կովկասի եւ
Միջին Արեւելքի երկրների պետական եւ մասնաւոր հատուածների,
ասոցացիաների եւ ՏՀՏ ոլորտի այլ ընկերութիւնների միջեւ
համագործակցութիւնը` նպաստելու նորարարությունն ու
մրցունակությունը:
Ըստ ԻՏՁՄ-ի մամլոյ ծառայութեան, միջոցառման կամակերպիչներն են
Վրաստանի ՏՀՏ Գործարար խորհուրդը եւ Վրաստանի Էլեկտրոնային
կառավարութեան զարգացման պետական յանձնաժողովը: