Բացի Գիւմրիից եւ «Զվարթնոց» օդանավակայանից, ազատ տնտեսական
գօտի կստեղծուի նաեւ Մեղրիում
08-10-2009 22:00:00 | Հայաստան | Տնտեսութիւն
ԵՐԵՎԱՆ, 8 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի կառավարութեան
հոկտեմբերի 8-ի նիստում հաւանութեան արժանացավ «Գիւմրու տնտեսական
զարգացման հիմնադրամ ստեղծելու մասին» որոշման նախագիծը: Ըստ ՀՀ
էկոնոմիկայի նախարար Ներսէս Երիցյանի, նախագծի նպատակն է
կենտրոնացնել Գիւմրիում տեխնոպարկի եւ տեխնոքաղաքի ծրագրի
իրականացման համար անհրաժեշտ ռեսուրսները եւ նշուած կառոյցների
կառավարման թիմ ստեղծել:
Անդրադառնալով Գիւմրիում ազատ տնտեսական գօտու ստեղծմանը, ՀՀ
վարչապետ Տիգրան Սարգսեանը նշեց, որ նման գօտի, բացի Գիւմրիից եւ
«Զվարթնոց» օդանավակայանից, պէտք է ստեղծուի նաեւ Մեղրիում: Ըստ
նրա, այդ անհրաժեշտութիւնն առաջացել է Մեղրիի ՀԷԿ-ի կառուցման
ծրագրի քննարկման ժամանակ, երբ բարձրացուել է այստեղ յատուկ ռեժիմի
կիրառման հարցը: Վարչապետի խօսքերով, ազատ տնտեսական գօտու
ստեղծումը լաւագոյնը կլինի այդ հարցի լուծման համար: Նա նշեց
նաեւ, որ Մեղրիում ազատ տնտեսական գօտու ստեղծման որոշման նախագիծը
պէտք է կառավարութեան քննարկմանը ներկայացուի մէկ ամսուայ ընթացքում: