Վալերի Գործունյանը պարգեւատրուել է ֆրանսիական նախարարութեան
Արուեստի եւ դպրութեան ոլորտում ասպետի կոչումով
09-09-2009 17:45:00 | Հայաստան | Մշակոյթ
ԵՐԵՎԱՆ, 9 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Հայաստանում ֆրանսահայ առաջին ներդրողներից մէկը` Երեւանում
«Փարիզյան Սուրճի» հիմնադիր Վալերի Գործունյանը, Ֆրանսիայի
Մշակոյթի եւ հաղորդակցութեան նախարարութեան կողմից պարգեւատրուել է
Արուեստի եւ դպրութեան ոլորտում ասպետի կոչումով:
Վալերի Գործունյանին ուղղուած նամակում Ֆրանսիայի մշակոյթի
նախարար Ֆրեդերիկ Միտերանը նշել է, որ երջանիկ է նման շքանշանով
պարգեւատրելու մէկին, ով խորապէս նուիրուել է Ֆրանսիայի մշակոյթի
տարածման գործին: Ըստ նախարարի, այս պարգեւատրմանն իսկապէս արժանի
է Վալերի Գործունյանը, ով բարձր է պահում Ֆրանսիայի գոյները
Հայաստանում, եւ ով միշտ առաջին շարքերում է Հայաստանի գոյները
Ֆրանսիայում պաշտպանելու գործում: