Չինաստանում կառուցւող կաուչուկի հայ-չինական համատեղ
ձեռնարկութիւնում ընթանում են տեղային փորձարկումներ
27-07-2009 19:00:00 | Հայաստան | Տնտեսութիւն
ԵՐԵՎԱՆ, 27 ՅՈՒԼԻՍԻ, ՆՈՅԵԱՆ ՏԱՊԱՆ: Չինաստանում կառուցւող
կաուչուկի հայ-չինական ձեռնարկութիւնում ներկայումս ընթանում են
սարքավորումների տեղային լոկալ փորձարկումները: Ինչպէս «ՆՈՅԵԱՆ
ՏԱՊԱՆ»-ի թղթակցին յայտնեց «Նաիրիտ-2» գործարանի փոխտնօրեն Ալբերտ
Սուքիասեանը, տեղային փորձարկումներին կյաջորդի ամբողջական
փորձարկումը, որից յետոյ նախատեսւում է մինչեւ տարեվերջ գործարանը
շահագործման յանձնել:
Շուրջ 100 հա տարածք զբաղեցնող գործարանի կառուցման ծրագրի
ողջ արժէքը, Ա.Սուքիասյանի խօսքերով, աւելի քան 150 մլն ԱՄՆ դոլար
է: Գործարանի 40%-ի բաժնետէրը Հայաստանն է, 60%-ինը` Չինաստանը:
Ըստ Ա.Սուքիասյանի, ակնկալւում է, որ սկզբնական շրջանում գործարանը
տարեկան կարտադրի շուրջ 30 հազար տոննա կաուչուկ: Գործարանի
արտադրանքը հիմնականում կը սպառուի Չինաստանում, որտեղ բաւականին մեծ
շուկայ կայ: «Այս գործարանի կառուցումից Հայաստանը մեծ յոյսեր ունի:
Կարծում եմ, որ մեր տնտեսութեան զարգացման վրայ այն եւս էական
ազդեցութիւն կունենայ»,- ընդգծեց Ա.Սուքիասեանը: