ԵՐԵՎԱՆ, 17 ՅՈՒԼԻՍԻ, ՆՈՅԵԱՆ ՏԱՊԱՆ: ՀՀ Նախագահի աշխատակազմի ղեկավար Կարեն Կարապետեանը յուլիսի 17-ին աշխատանքային խորհրդակցութիւն է անցկացրել հանրապետութիւնում հակակարկտային համակարգի ստեղծման ծրագրի վերաբերեալ: Արտակարգ իրավիճակների նախարար Մհեր Շահգելդյանը նման ծրագրի անհրաժեշտութիւնը պայմանաւորել է այն հանգամանքով, որ Հայաստանի աշխարհագրական ու բնակլիմայական պայմանները նպաստաւոր են մթնոլորտային վտանգաւոր երեւույթների առաջացման համար, եւ դրանց վրայ ակտիւ ներգործութեան ամբողջական համակարգի բացակայութեան հետեւանքով գիւղատնտեսութիւնը մեծ վնասներ է կրում: Ընդգծելով խնդրի հասարակական, սոցիալական մեծ հնչողությունը, Կ.Կարապետեանը նշել է, որ այն գտնւում է հանրապետութեան նախագահի ուշադրութեան կենտրոնում: Ծրագրի վերաբերեալ հնչած առաջարկութիւնների, նկատառումների ու դիտողութիւնների քննարկման արդիւնքում խորհրդակցութեան մասնակիցները հանգել են այն եզրակացութեան, որ աշխատանքները պէտք է կազմակերպել փորձնական տարբերակով. եղած հնարաւորութիւններն աւելի արդիւնաւէտ օգտագործելով իրականացնել պիլոտային ծրագրեր, գնահատել դրանց առաւելութիւններն ու թերություններն, որից յետոյ միայն խօսել համալիր ծրագրի մասին:

---