Մօտակայ երկու տարիներին Գերմանիան մօտ 130 մլն եւրօ
վարկային եւ դրամաշնորհային գումարներ կյատկացնի Հայաստանին
17-07-2009 21:00:00 | Հայաստան | Տնտեսութիւն
ԵՐԵՎԱՆ, 17 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 15-16-ին Բոննում
անցկացուել են ֆինանսական եւ տեխնիկական համագործակցութեան
հայ-գերմանական միջկառավարական յանձնաժողովի բանակցութիւնները,
որին մասնակցելու նպատակով Գերմանիա էր մեկնել ՀՀ ֆինանսների
նախարար Տիգրան Դաւթեանի գլխաւորած պատուիրակութիւնը:
Բանակցութիւնների ընթացքում քննարկուել են կայուն տնտեսական
զարգացմանը, էներգետիկային եւ շրջակայ միջավայրին առնչուող խնդիրներ,
ինչպէս նաեւ ապակենտրոնացում, ժողովրդավարութիւն եւ համայնքային
զարգացում թեմաներին վերաբերող հարցեր:
Ըստ ՀՀ Ֆինանսների նախարարութեան Տեղեկատուութեան եւ
հասարակայնութեան հետ կապերի բաժնի հաղորդագրութեան,
բանակցութիւնների արդիւնքում ստորագրուել է արձանագրութիւն,
համաձայն որի երկու կողմերի միջեւ ձեռք է բերուել
պայմանաւորուածութիւն` մօտակայ երկու տարիների ընթացքում Գերմանիայի
կառավարութեան կողմից Հայաստանին մօտ 130 մլն եւրօ վարկային եւ
դրամաշնորհային գումարներ յատկացնելու վերաբերեալ:
ՀՀ պաշտօնական պատուիրակութեան կազմում էին ՀՀ էներգետիկայի
նախարար Արմէն Մովսիսեանը, ՀՀ ԿԲ-ի նախագահ Արթուր Ջաւադեանը, ՀՀ
Վերահսկիչ պալատի նախագահ Իշխան Զաքարյանը եւ այլ պաշտոնեաներ: