ԷՋՄԻԱԾԻՆ, 8 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 27-ից հոկտեմբերի 1-ը Ժնեւում, Միաւորուած Ազգերի Կազմակերպութեան Մարդու Իրաւունքների խորհրդի 15-րդ նստաշրջանի հետ համատեղ, կայացել է Եկեղեցիների Համաշխարհային Խորհրդի Միջազգային յարաբերութիւնների հարցերով յանձնախմբի հանդիպումը` նուիրուած Միաւորուած ազգերի պաշտպանութեան շաբաթին: Հանդիպումը նուիրուած էր իսրայելա-պաղեստինեան հակամարտութեանը եւ Նիգերիայում տիրող իրավիճակին: Հանդիպման ընթացքում քննարկուել են միջազգային հանրութեան աջակցութեան հնարաւորութիւնները` տիրող իրավիճակը շտկելու եւ տարածաշրջանում խաղաղութիւն հաստատելու ուղղութեամբ: Էկումենիկ եւս մէկ ժողով տեղի է ունեցել հոկտեմբերի 2-8-ին Տիրանայում (Ալբանիա): Ժողովի ընթացքում քննարկուել են միջազգային մարտահրավերների ազդեցություններն եկեղեցիների վրայ, ինչպէս նաեւ մշակtyել են էկումենիկ համագործակցութեան եւ փոխօգնության նոր ռազմավարութիւն ձեւաւորման ծրագրեր: Ինչպէս «ՆՏ»-ին յայտնեցին Մայր Աթոռ Սբ. Էջմիածնի Տեղեկատուական համակարգից, վերոնշեալ ժողովներում Մայր Աթոռ Սուրբ Էջմիածինը ներկայացրել է Եկեղեցիների Համաշխարհային Խորհրդի Հայաստանեան Կլոր սեղան հիմնադրամի աշխատակից Ծովինար Ղազարեանը:

---