Մարմարա - Գերմանական »Պատիշէ Ցայթունկ«ի 1 Սեպտեմբերի թիւը կը հաղորդէ թէ Ֆրայպուրկ քաղաքի մէջ վերջերս կայացաւ ջութակահարներու միջազգային մրցում մը, ուր հայաստանցի 27ամեայ Մարտին Եաւրեան արժանացած է երկրորդ մրցանակի։ Առաջին մրցանակի արժանացաւ իսրայէլցի 24ամեայ Իթամար Ցորման։ Լաւագոյն պատանի մեկնաբան հռչակուեցաւ 14ամեայ Միլէնա Վիլքէն։ 28 երաժիշտներու մասնակցութեամբ կայացած մրցումի ընթացքին Եաւրեան մեկնաբանեց Փրոքոֆեւի ջութակի երկրորդ կի-պէմոլ քոնչէրթօն՝ արժանանալով մասնագէտ ունկնդիրներու տպաւորիչ գնահատականին։

---