Մարմարա- Սինկափուրի մէջ կը շարունակուին պատանեկան ողիմպիականները եւ հայ մարզիկները երկրորդ պրոնզեայ մետայլը նուաճեցին։ Ազատ ոճի ըմբշամարտի մէջ Արտակ Յովհաննիսեան որ Հայաստանի միակ ներկայացուցիչն էր, արժանացաւ պրոնզեայ մետայլի։ Վճռորոշ մրցամարտի ընթացքին 46 քկ. ծանրութեան ըմբիշը յաղթանակ տօնեց Էնտրիւ Տավիլայի դէմ։ Յունահռովմէական ըմբշամարտի մարզաձեւի մէջ Հայաստանի միակ պատուիրակ Վարոս Պետրոսեան 5րդ հանդիսացաւ։ Առաջին գօտեմարտի մէջ ան պարտութիւն կրեց ռուս մրցակցէն, ապա յաղթական հռչակուեցաւ քորէացի մարզիկի դէմ։ Խմբային մրցաշարքի վերջին գօտեմարտի ընթացքին հայ ըմբիշը պարտուեցաւ եւ չկրցաւ կիսաեզրափակիչ հասնիլ։ Ան 5րդ տեղի համար պայքարի մէջ առաւելութեան հասաւ իրաքցի մրցակցի դէմ։ Մարմնամարզիկ Վահան Վարդանեան հասաւ եզրափակիչ փուլը եւ իրաւունք շահեցաւ մասնակցելու մետայլներու համար մղուող պայքարին։ Սկզբնական փուլի մէջ ան 10րդ հանդիսացած էր։ Եզրափակիչ հանգրուանին բազմամարտի մրցումներու մէջ հայ մարմնամարզիկը արգացեց իր յաջողութիւնը եւ 8րդ հանդիսացաւ։ Ախոյեան հռչակուեցաւ ճաբոն Քամոթօ։

---