ՌՈՒՍԵՐ ԿԸ ՄԻՋԱՄՏԵՆ ԱՐՈՆԵԱՆԻ ՄԱՍՆԱԿՑՈՒԹԻՒՆԸ ԱՊԱՀՈՎԵԼՈՒ ՀԱՄԱՐ
23-07-2010 17:13:03 | | Ի՞նչ է գրում սփյուռքի մամուլը
Ռուսաստանի Ճատրակի Ֆէտէրասիոնը (ՌՃՖ) դիմում կատարած է
ՖԻՏԷ-ի Նախագահ Քիրսան Իլիւմժանովին, խնդրելով որ աշխարհի
ախոյենութեան կանոնակարգի մէջ փոփոխութիւններ կատարուին: ՌՃՖ
նպատակայարմար գտած է, որ յաւակնորդներու մրցաշարքի վայրը այլ տեղ
փոխադրուի: Խօսքը կը վերաբերի Պաքուին: Ինչպէս աւելի առաջ ալ
հաղորդած էինք, Լեւոն Արոնեան, որ աշխարհի ախոյենութեան
յաւակնորդներէն մէկը կը հանդիսանայ, մերժած էր Պաքուի մրցաշարքին
մասնակցիլ, յայտնելով որ հոն պիտի չկարենար հանգիստ հոգեվիճակով
մասնակցիլ մրցումներուն: Այժմ ՌՃՖ կը նշէ, որ Լեւոն Արոնեան կրան
փրի մրցաշարքերու յաղթող է եւ վճռաբար հրաժարած է Պաքու մեկնելէ,
կատարելապէս վայելելով Հայաստանի Ճատրակի Ֆէտէրասիոնի
աջակցութիւնը: Առանց Արոնեանին յաւակնորդներու մրցաշարքը կրնայ
ձախողիլ, ուստի ռուսներ կ’առաջարկեն այդ մրցաշարքը կազմակերպել
Քազան քաղաքի մէջ:
ՖԻՏԷ յայտնեց, որ առաջարկը պիտի քննարկուի յառաջիկայ շաբաթ
Նորվեկիոյ մէջ կայանալի նախագահական խորհուրդի նիստի ընթացքին: