Մոլդավիայում սկսուել են խորհրդարանական ընտրութիւններ

Notice: Undefined variable: pic_src1_arr in /home/u247475421/domains/nt.am/public_html/pages/page_news_new.php on line 274

Warning: count(): Parameter must be an array or an object that implements Countable in /home/u247475421/domains/nt.am/public_html/pages/page_news_new.php on line 274
ՔԻՇՆԵՎ, 29 ՅՈՒԼԻՍԻ, ՆՈՅԵԱՆ ՏԱՊԱՆ: Մոլդավիայում սկսուել են խորհրդարանի արտահերթ ընտրութիւնները: Տեղական ժամանակով առաւօտեան ժամը 7-ին բացուել են 1987 ընտրատեղամասեր: Սա այս տարուայ արդէն երկրորդ ընտրություններն են. ապրիլին կայացած քվեարկությունը աւարտուեց բողոքի զանգվածային գործողութիւններով, որ կազմակերպել էր կառավարող կոմունիստական կուսակցութեան յաղթանակից դժգոհ ընդդիմությունը: Դրանք հանգեցրին խորհրդարանի եւ նախագահի նստավայրի աւերմանը, որից յետոյ երկիրը ընկղմվեց քաղաքական ճգնաժամի մէջ: Այսօրուայ քուէարկութեան արդիւնքներից է կախուած, թէ ով կկառավարի երկիրը առաջիկայ չորս տարիներին: 2001 թուականին կառավարման խորհրդարանական եղանակ մտցնելուց յետոյ հենց պատգամաւորներն են ընտրում Մոլդաւիայի նախագահ, խորհրդարանի ղեկավարութիւն, ինչպէս նաեւ հաստատում կառավարութիւնը: Նախորդ խորհրդարանը չկարողացաւ ընտրել պետութեան ղեկավար, որը պէտք է փոխարիներ նախագահութեան երկրորդ եւ վերջին ժամկէտը աւարտող Վլադիմիր Վորոնինին: Կոմունիստների կառավարող կուսակցութիւնը չկարողացաւ ընդդիմությունից ստանալ դրա համար անհրաժեշտ մէկ ձայն, որպէսզի բարձրագոյն պետական պաշտօնին հասցնի վարչապետ Զինաիդա Գրեչանուին:

---