ՄԻՆՍԿ, 24 ՅՈՒԼԻՍԻ, ՆՈՅԵԱՆ ՏԱՊԱՆ: Բելոռուսիան պատրաստ է առաջինը զիջումների գնալ ԱՄՆ-ի հետ յարաբերութիւնների կարգաւորման հարցում` հոյս ունենալով, որ դրա դիմաց կվերացուեն սահմանուած պատժամիջոցները: «Ամերիկեան կողմից մենք սպասում ենք տնտեսական պատժամիջոցների վերացում: Դա կդիտուի ազդանշան փոխադարձ դիւանագիտական ներկայութեան լիարժէք վերականգնման համար»,- յայտարարել է Բելոռուսիայի նախագահ Ալեքսաննդր Լուկաշենկոն: Ըստ նրա, ԱՄՆ-ի նոր վարչակազմը ձգտում է աւելի պատասխանատու դիրք գրաւել փոփոխվող աշխարհում: «Յուսով եմ, այդ գործընթացը դրականօրէն կշոշափի եւ Բելոռուսիան: Մենք Ամերիկային առաջարկում ենք առարկայական կառուցողական երկխօսութիւն լայն շրջանակի հրատապ հարցերի շուրջ եւ պատրաստ ենք առաջինը ձեռք մեկնել փոխըմբռնման եւ վստահութեան մթնոլորտի վերականգնման համար»,- ընդգծել է Լուկաշենկոն:

---