Չավեսը խոստացել է կրկնապատկել Վենեսուելայի բանակի
զրահատանկային եւ հրետանային զորամասերը
24-07-2009 17:22:00 | | Միջազգային
ԿԱՐԱԿԱՍ, 24 ՅՈՒԼԻՍԻ, ՆՈՅԵԱՆ ՏԱՊԱՆ: Վենեսուելայի նախագահ
Ուգո Չավեսը յայտարարել է երկրի պաշտպանունակութեան ամրապնդման
ծրագրերի մասին` կապուած ամերիկեան զորակազմ տեղակայելու համար նոր
ռազմական բազաներ ԱՄՆ-ին տրամադրելու հարեւան Կոլումբիայի որոշման
հետ, ինչը Կարակասը գնահատում է իբրեւ «իմպերիալիստական
սպառնալիք», հաղորդում է ԻՏԱՌ-ՏԱՍՍ-ը:
«Ալլո, նախագահ» հեռուստառադիոհաղորդման ժամանակ, որին
մասնակցել են Վենեսուելայի ռազմական ակադեմիայի շրջանաւարտները,
Չավեսը նշել է զրահատանկային եւ հրետանային զորամասերը «առնուազն
կրկնապատկելու» անհրաժեշտութեան մասին: Չավեսը ասել է, որ յունիսին
Մոսկուա կատարած այցի ժամանակ փոխնախագահ Ռամոն Կարրիսալեսը
Ռուսաստանի ղեկավարութեանն է փոխանցել իր անձնական ուղերձը, որով
հաղորդւում է այդ ծրագրերի մասին: