Ըստ «ՀՄՀ-Հայաստան» ՊՈԱԿ-ի գործադիր տնօրէնի, անհրաժեշտ է
ճանապարհաշինութեան ֆինանսաւորման այլ աղբիւրներ գտնել
16-06-2009 20:00:00 | Հայաստան | Տնտեսութիւն
ԵՐԵՎԱՆ, 16 ՅՈՒՆԻՍԻ, ՆՈՅԵԱՆ ՏԱՊԱՆ: «Հազարամեակների
մարտահրավերներ» կորպորացիայի (ՀՄԿ) տնօրէնների խորհրդի յունիսի
10-ի որոշման վերաբերեալ Հայաստանը դեռեւս պաշտօնական նամակ չի
ստացել: Այս մասին «Հազարամյակի մարտահրաւեր հիմնադրամ-Հայաստան»
(ՀՄՀ) ծրագրի շահառուների խորհրդի յունիսի 16-ի նիստում յայտարարեց
«ՀՄՀ-Հայաստան» ՊՈԱԿ-ի գործադիր տնօրէն Արա Յովսէփեանը:
Յիշեցնենք, որ ՀՄԿ-ի տնօրէնների խորհրդի որոշմամբ Հայաստանի
ճանապարհների կառուցման ու վերականգման ծրագրի ֆինանսավորումը չի
վերսկսուի: Ըստ ՀՄԿ-ի պաշտօնական հաղորդագրութեան, ֆինանսաւորման
այս կասեցումը պայմանաւորուած է ՀՀ կառավարութեան
գործողութիւններով, որոնք չեն բխում ժողովրդավարական կառավարման
խթանման ՀՄԿ-ի սկզբունքներից: «Չեմ կարծում, որ Խորհուրդն
ապագայում այս հարցին վերստին անդրադարձ կկատարի»,- ասել է ՀՄԿ-ի
գլխաւոր գործադիր տնօրէն Ռոդնի Բենտը:
Ա.Յովսէփեանի խօսքերով, ՀՄԿ-ից պաշտօնական նամակ ստանալուց
յետոյ միայն պարզ կդառնայ, թէ ինչ միջոցառումներ պէտք է ձեռնարկուեն
ծրագրի կասեցման կամ սառեցման ուղղութեամբ:
ՀՄՀ-Հայաստան ծրագրով Գիւղական ճանապարհների վերականգման
ֆինանսավորումը կազմում էր ընդհանուր գումարի մօտ 25%-ը: Այսինքն,
235 մլն 650 հազար դոլարից գիւղական ճանապարհների շինարարութեանը
յատկացուած էր 64 մլն դոլար: Ընդհանուր առմամբ նախատեսւում էր
հանրապետութեան գրեթէ բոլոր մարզերում վերանորոգել 273 կմ
ընդհանուր երկարությամբ ճանապարհներ: Ա.Յովսէփեանը յայտնեց, որ
մինչ օրս ՀՀ կառավարութիւնից ստացուած 16,8 մլն դոլարով
իրականացւում են այդ ճանապարհների վերանորոգման աշխատանքներ,
սակայն յունիսի վերջին պետբիւջէից յատկացուած ֆինանսավորումը
ամբողջութեամբ կը սպառուի:
Պատասխանելով այն հարցին, թէ ի՞նչ քայլեր պէտք է ձեռնարկուեն
ճանապարհների արդէն սկսուած վերանորոգման աշխատանքները տրամաբանական
աւարտին հասցնելու համար, Ա.Յովսէփեանը ասաց, որ պէտք է
ֆինանսաւորման այլ աղբիւրներ գտնել, որպէսզի արդէն սկսած
աշխատանքները աւարտուեն, քանի որ դրանից տուժում է թէ' տրանսպորտի
երթեւեկութիւնը, թէ' տեղի բնակչութիւնը: