Մեծ Բրիտանիայում արդարացուել է Չինաստանի վարչապետի վրայ կոշիկը
նետած ուսանողը
03-06-2009 15:57:00 | | Միջազգային
ԼՈՆԴՈՆ, 3 ՅՈՒՆԻՍԻ, ՆՈՅԵԱՆ ՏԱՊԱՆ: Գերմանացի ուսանողը, որ
կոշիկը նետել էր Չինաստանի վարչապետ Վեն Ցզյաբաոյի վրայ, երբ նա
ելոյթ էր ունենում Քեմբրիջի համալսարանում այս տարուայ փետրուարին,
Մեծ Բրիտանիայում անմեղ է ճանաչուել դատարանի կողմից, հաղորդում է
BBC-ն:
Ուսանող Մարտին Յանկեն իր արաքը կոչել է ընդդիմութեան եւ
բողոքի ակտ ընդդէմ Մեծ Բրիտանիայում վարչապետի ներկայութեան: Ըստ
նրա, դրան նա վճռել է գնալ նշանաւոր այն դէպքից յետոյ, երբ իրաքցի
լրագրողը կօշիկները շպրտել էր ԱՄՆ-ի նախկին նախագահ Ջորջ Բուշի
վրայ:
Դատաքննութիւնը վարող դատաւորը ասել է, որ գործում բաւարար
յանցանշաններ չեն գտել պնդելու համար, որ Յանկեն իր
գործողութիւններով ցանկացել է վիրաւորել չինացի վարչապետին:
Յիշեցնենք, որ մարտի 12-ին Իրաքի դատարանը իրաքեան
«Ալ-Բաղդադիա» մասնաւոր հեռուստաալիքի լրագրող Մունթազեր
ալ-Զեյդիին, որը անցած տարեվերջին իր կօշիկները շպրտել էր ԱՄՆ-ի
նախկին նախագահ Ջորջ Բուշի վրայ, դատապարտեց երեք տարուայ
ազատազրկման: