Կալիֆոռնիայի գերագոյն դատարանը արգելել է միասեռ
ամուսնութիւնները
27-05-2009 15:01:00 | ԱՄՆ | Միջազգային
ԼՈՍ ԱՆՋԵԼԷՍ, 27 ՄԱՅԻՍԻ, ՆՈՅԵԱՆ ՏԱՊԱՆ: Կալիֆոռնիայի
գերագոյն դատարանը ուժի մէջ է թողել նոյեմբերին հաւանութեան
արժանացրած նահանգային սահմանադրութեան փոփոխութիւնը, որով
արգելւում են միեւնոյն սեռի անձանց ամուսնութիւնները, հաղորդում
է բիբիսի-ն:
2008 թուականի մայիսին Կալիֆոռնիայում թույլատրվել էին
գեյ-ամուսնութիւնները, սակայն նոյեմբերի 4-ին նահանգում անցկացուեց
հանրաքուէ, որի ժամանակ ընտրողների 52 տոկոսը արտայայտուեց
համասեռամոլների ամուսնութեան իրաւունքի սահմանափակման օգտին:
Կալիֆոռնիացիները սատարեցին նահանգային սահմանադրութեան
ուղղմանը, որով ամուսնութիւնը սահմանւում է որպէս տղամարդու եւ
կնոջ միութիւն:
Երկու կողմերը կամպանիայի համար ծախսեցին 80 միլիոն դոլարից
աւելի, սոցիալական այդ հարցը դարձնելով ամենաթանկը ԱՄՆ-ում երբեւէ
հանրաքուէի դրուած հարցերից:
Միասեռ ամուսնութիւնները ներկայ դրութեամբ թույլատրված են
հինգ նահանգներում` Մասսաչուսեթսում (առաջին նահանգը, որը
գեյ-ամուսնութիւնները օրինականացրել է 2004 թուականին),
Կոննեկտիկուտում, Մեյնում, Վերմոնտում եւ Այովայում: