ՏԱՇՔԵՆԴ, 26 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 26-ին Ուզբեկստանը
լրիւ փակել է Ղրղզստանի հետ սահմանը: Այդ որոշման պատճառը չի
հաղորդւում, սակայն աւելի վաղ ղրղզական լրատվամիջոցները հաղորդել
էին ուզբեկական Խանաբադ քաղաքի խժդժութիւնների մասին:
Ղրղզստանի սահմանապահ ծառայութիւնը որոշում է ընդունել փակել
Ուզբեկստանի հետ սահմանը ուզբեկական կողմի նախաձեռնութեամբ,
«Նովոստի» գործակալութեանը յայտնել է սահմանապահ ծառայութեան
ներկայացուցիչը` հրաժարուելով նշել այդ որոշման պատճառը:
Դրանից բացի, Ղրղզստանի ՆԳՆ մամլոյ ծառայութեան ներկայացուցիչը
յայտնել է, որ ղրղզա-ուզբեկական սահմանի ուզբեկական կողմում`
«Խանաբադ» պահակակետում փոխհրաձգություն է տեղի ունեցել,
ենթադրաբար կան վիրաւորներ:
Աւելի վաղ հաղորդուել էր, որ Ուզբեկստանում անյայտ անձինք
յարձակուել են Խանաբադ քաղաքի միլիցիայի բլոկ-պոստի վրայ:
Ուզբեկստանի գլխաւոր դատախազութիւնը հաստատել է այս
տեղեկատուութիւնը: