Հայաստանի կոմպոզիտորների միութիւնը այսօրուայ երաժշտական
կեանքում ոչ մի դեր չի խաղում,- հաւաստիացնում են միութեան
ադնամները
16-04-2009 15:30:00 | Հայաստան | Մշակոյթ
ԵՐԵՎԱՆ, 16 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի անկախութեան
տարիներին Կոմպոզիտորների միութիւնը բարոյական անկում ապրեց եւ
այսօրուայ դրութեամբ հանրապետութեան երաժշտական կեանքում ոչ մի դեր
չի խաղում: Նման կարծիք յայտնեց ապրիլի 16-ի ասուլիսում միութեան
անդամ, կոմպոզիտոր Լեւոն Չաուշյանը: Նրա խօսքերով, դրա մեղաւորը
միութեան ոչ կազմակերպուած գործունէութիւնն է: Ըստ նրա, Հայաստանի
կոմպոզիտորները չեն զգում միութեան, այդ թւում միութեան ղեկավարի`
Ռոբերտ Ամիրխանեանի, թէ' բարոյական, թէ' ֆինանսական աջակցութիւնը:
Բացի այդ, ինչպէս նա նշեց, միութիւնը, որպէս հասարակական
կազմակերպութիւն, պարտաւոր է 2 տարին մէկ համագումար անցկացնել:
Սակայն, ըստ նրա, վերջին համագումարը անցկացուել է 2004թ.-ին:
Միութեան անդամ, կոմպոզիտոր Էդվարդ Սադոեանի կարծիքով, պէտք է
վերականգնել խորհրդային տարիներին գործող միութեան պրոպագանդման
բիւրոն: «Նախկինում հայ կոմպոզիտորների երաժշտութիւնը մեծ
հաջողութեամբ պրոպագանդվում էր ամբողջ աշխարհում: Իսկ այսօր դա
նոյնիսկ Հայաստանում չի արւում»,- նշեց Է.Սադոեանը: