Րաֆֆի Յովհաննիսեանը վերջնականապէս հրաժարուել է մասնակցել
ԵԽԽՎ-ի եւ ՆԱՏՕ-ի խորհրդարանական վեհաժողովի աշխատանքներին
09-04-2009 17:30:00 | Հայաստան | Քաղաքական
ԵՐԵՎԱՆ, 9 ԱՊՐԻԼԻ, ՆՈՅԵԱՆ ՏԱՊԱՆ: «Ժառանգութիւն»
կուսակցութեան հիմնադիր առաջնորդ Րաֆֆի Յովհաննիսեանը
վերջնականապէս հրաժարուել է մասնակցել Եվրոխորհրդի խորհրդարանական
վեհաժողովի (ԵԽԽՎ) աշխատանքներին: Այս մասին ապրիլի 9-ի ասուլիսում
յայտնեց Հայաստանի Ազգային Ժողովի «Ժառանգութիւն» խմբակցութեան
ղեկավար Արմէն Մարտիրոսեանը: Նրա խօսքերով, կուսակցութիւնն ԱԺ-ի
նախագահին առաջարկել է Ր.Յովհաննիսեանի փոխարէն ԵԽԽՎ-ի հայկական
պատուիրակութեան կազմում ընդգրկել խմբակցութեան անդամ Զարուհի
Փոստանջյանին, իսկ ՆԱՏՕ-ի խորհրդարանական վեհաժողովում`
խմբակցութեան քարտուղար Ստեփան Սաֆարեանին:
«Ժառանգութեան» մամլոյ խօսնակ Յովսէփ Խուրշուդեանն իր հերթին
նշեց, որ իր այդ որոշմամբ Ր.Յովհաննիսեանը կատարում է դեռեւս
2008թ.-ի յունիսին հանրութեանը տուած խոստումը, ըստ որի, եթէ
Հայաստանն ու Եւրոպան հաւատարիմ չլինեն իրենց որդեգրած
ժողովրդավարական արժէքներին, ապա ինքը կադադարեցնի իր
համագործակցութիւնը այդ եվրոկառույցների հետ:
Ա.Մարտիրոսեանը յաւելեց, որ Հայստանում առկայ
հասարակական-քաղաքական վիճակն անընդունելի է «Ժառանգութեան» համար:
Նրա խօսքերով, անթոյլատրելի է յատկապէս այն հանգամանքը, որ անգամ
Քրէական օրէնսգրքի 225 եւ 300 յոդուածների փոփոխությունից յետոյ
քաղբանտարկյալները շարունակում են մնալ անազատութեան մէջ:
անդրադառնալով Ր.Յովհաննիսեանի յետագայ ծրագրերին,
Ա.Մարտիրոսեանը հերքեց որոշ լրատվամիջոցների տարածած այն լուրը, թէ
«Ժառանգութեան» առաջնորդը պատրաստւում է հեռանալ մեծ
քաղաքականութիւնից: Ըստ նրա, ԱԺ-ի միակ ընդդիմադիր ուժի առաջնորդը
հանդիսացող, բարձր վարկանիշ ունեցող Ր.Յովհաննիսեանը պարզապէս չի
կարող չզբաղուել ակտիւ քաղաքականութեամբ: