Յովհաննէս Իգիթյան. Շարունակում են չլուծուած մնալ
քաղբանտարկյալների, հանրահաւաքների անցկացման, ԶԼՄ-ների ազատութեան
եւ մարտի 1-ի բացայայտման խնդիրները
31-03-2009 16:55:00 | Հայաստան | Քաղաքական
ԵՐԵՎԱՆ, 31 ՄԱՐՏԻ, ՆՈՅԵԱՆ ՏԱՊԱՆ: Եվրախորհրդի խորհրդարանական
վեհաժողովի (ԵԽԽՎ) մոնիտորինգի յանձնաժողովի մարտի 30-ի նիստում
225-րդ եւ 300-րդ քրէական յոդուածների վերաշարադրման մասին հայկական
պատուիրակութեան նախագահ Դավիթ Յարութիւնեանի զեկոյցը
եվրոպացիներն ընկալել են որպէս առաջընթաց: Այսպիսի տեսակէտ յայտնեց
«Հայոց համազգային շարժում» կուսակցութեան վարչութեան անդամ
Յովհաննէս Իգիթեանը մարտի 31-ի ասուլիսում` նշելով, որ այդ
կարծեցեալ առաջընթացի մասին պատկերացումը եւրոպական պաշտօնեաների
մօտ ձեւաւորուել է Հայաստանի գլխաւոր դատախազ Աղվան Յովսէփեանի,
Ազգային Ժողովի նախագահ Հովիկ Աբրահամեանի եւ Դ.Յարութիւնեանի
շնորհիւ: «Երբ ԵԽԽՎ-ի համազեկուցողները եկան Ա.Յովսէփեանի մօտ, նա
բողոքեց նշուած յօդուածներից եւ ասաց, որ դրանք հնարաւորութիւն չեն
տալիս նորմալ մեղադրանքներ առաջադրել»,- ասաց Հ.Իգիթեանը: Դրանից
յետոյ, նրա խօսքերով, համազեկուցողներն այցելեցին Հ.Աբրահամեանին,
ինչի արդիւնքում ԱԺ-ն Դ.Յարութիւնեանի միջոցով փոխեց
քրհոդվածները:
Հ.Իգիթեանը նշեց, որ «արդեօ՞ք Հայաստանում ժողովրդավարութեան
կայացման ուղղութեամբ առաջընթաց է գրանցուել» հարցի պատասխանը ի
վերջոյ պէտք է տայ հայ հասարակութիւնը: Իսկ հասարակութիւնը, ինչպէս
ընդգծեց ՀՀՇ-ի ներկայացուցիչը, շատ լաւ գիտի, թէ ինչ է կատարուել
մարտի 1-ին, ով է սպանել 10 քաղաքացիներին, ում հրամանով, ովքեր են
եղել Հայաստանի նախկին նախագահ Ռոբերտ Քոչարեանի աշխատասենեակում
2008թ.-ի փետրուարի 29-ին` խաղաղ ցուցարարներին ցրելու մասին
քննարկումների ժամանակ: Նա, սակայն, չմասնավորեցրեց, թէ ովքեր են
եղել Ռ.Քոչարեանի աշխատասենեակում:
Հ.Իգիթեանը յայտարարեց, որ Հայաստանում առկայ չորս հիմնական
խնդիրները շարունակում են մնալ չլուծուած` քաղբանտարկյալները ազատ
արձակուած չեն, հանրահաւաքները չեն թոյլատրւում, լրատվամիջոցները
ազատ չեն գործում, մարտի 1-ի դէպքերի մեղաւորները պաշտօնապէս
բացայայտուած եւ պատժված չեն: