«Արդշինինվեստբանկ»-ի եւ «WorldBusiness Capital Inc»-ի միջեւ
ստորագրուել է 10 մլն ԱՄՆ դոլարի վարկային պայմանագիր
27-03-2009 22:00:00 | ԱՄՆ | Տնտեսութիւն
ՎԱՇԻՆԳՏՈՆ, 27 ՄԱՐՏԻ, ՆՈՅԵԱՆ ՏԱՊԱՆ: Մարտի 26-ին
Վաշինգտոնում, ԱՄՆ-ում ՀՀ դեսպանատանը «Արդշինինվեստբանկ»-ի եւ
ամերիկեան WorldBusiness Capital Inc ընկերութեան միջեւ ստորագրուել
է 10 մլն ԱՄՆ դոլարի վարկային պայմանագիր: Վարկը երաշխավորված է
ԱՄՆ կառավարութեան OPIC գործակալութեան կողմից: Այն տրամադրւում է
10 տարի ժամկէտով` փոքր եւ միջին ձեռնարկութիւնների ֆինանսաւորման
համատեղ ծրագրի իրականացման համար: «Արդշինինվեստբանկ»-ն իր կողմից
ծրագրի իրագործման համար ներդնելու է 2,5 մլն ԱՄՆ դոլար:
Մեկնաբանելով պայմանագրի ստորագրումը, «Արդշինինվեստբանկ»-ի
Վարչութեան նախագահի ժամանակաւոր պաշտօնակատար Գուրգէն
Յարութիւնեանն ասել է. «Այս ծրագրի իրագործմամբ
«Արդշինինվեստբանկ»-ը կնպաստի Հայաստանի փոքր եւ միջին
ձեռնարկութիւնների զարգացմանը, կօգնի նրանց` յաղթահարելու
միջազգային ֆինանսական ճգնաժամի հետեւանքով առաջացած
դժուարութիւնները: Բանկը շարունակաբար զարգացնելու է իր միջազգային
համագործակցութեան շրջանակները` Հայաստանի շուկայ դրսից ֆինանսական
միջոցներ ներգրաւելու, ՀՀ տնտեսութեան կայունութեանը աջակցելու
նպատակով»: