Լեոնիդաս Քրիզանթոպուլոս. «Հայաստանի նախագահութեան ընթացքում
ՍԾՏՀ-ի գործունէութիւնը եղել է արդիւնաւէտ»
27-03-2009 21:00:00 | Հայաստան | Տնտեսութիւն
ԵՐԵՎԱՆ, 27 ՄԱՐՏԻ, ՆՈՅԵԱՆ ՏԱՊԱՆ: Հայաստանի արտգործնախարար
Էդվարդ Նալբանդեանը եւ Սեւծովեան տնտեսական համագործակցութեան
կազմակերպութեան (ՍԾՏՀ) գլխաւոր քարտուղար Լեոնիդաս
Քրիզանթոպուլոսը մարտի 27-ի հանդիպմանը քննարկել են ՍԾՏՀ-ում
Հայաստանի նախագահութեանն առնչուող հարցեր: Լ.Քրիզանթոպուլոսը նշել
է, որ Հայաստանի նախագահութեան ընթացքում ՍԾՏՀ-ի գործունէութիւնը
եղել է արդիւնաւէտ. անցկացուել են տարբեր մակարդակների մի քանի
տասնեակ միջոցառումներ:
Ըստ ՀՀ ԱԳՆ Մամուլի եւ տեղեկատուութեան վարչութիւնից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, հանդիպման ընթացքում
անդրադարձ է կատարուել նաեւ ապրիլի 15-16-ին Երեւանում կայանալիք
ՍԾՏՀ-ի արտաքին գործերի նախարարների խորհրդի 20-րդ նիստի
նախապատրաստական աշխատանքներին: Է.Նալբանդեանը եւ
Լ.Քրիզանթոպուլոսը քննարկել են նաեւ ՍԾՏՀ-ի շրջանակներում
համագործակցութեան հարցեր: