ԼՈՍ ԱՆՋԵԼԷՍ, 26 ՄԱՐՏԻ, ՆՈՅԵԱՆ ՏԱՊԱՆ: Մարտի 25-ին ԱՄՆ-ի Լոս Անջելէս քաղաքում գեղասահքի աշխարհի առաջնութեան ծրագրով սահադաշտ ելան տղամարդ մենասահորդները: 21-ամեայ Գեղամ Վարդանեանը, ով առաջին անգամն էր մասնակցում նման հեղինակաւոր մրցաշարի, 52 մասնակիցների պայքարում գրաւեց 48-րդ տեղը եւ եզրափակիչ չմտաւ: Բացի այդ, նա 2008թ.-ի մայիսին է զորացրվել բանակից եւ մարզվել է ընդամէնը 5-6 ամիս: Եզրափակիչ չանցավ նաեւ հունգարահայ Տիգրան Վարդանեանը, որը գրաւեց 31-րդ տեղը: Նա մարզւում է հոր` ԽՍՀՄ կրկնակի գաւաթակիր նախկին երեւանցի Գուրգէն Վարդանեանի, գլխաւորութեամբ:

---