Հայաստանի էկոնոմիկայի նախարարը եւ ՀԲ-ի գործադիր տնօրէնը
քննարկել են հայ-թուրքական սահմանի բացման հարցը
25-03-2009 20:00:00 | Հայաստան | Տնտեսութիւն
ԵՐԵՎԱՆ, 25 ՄԱՐՏԻ, ՆՈՅԵԱՆ ՏԱՊԱՆ: Համաշխարհային բանկի
գործադիր տնօրէն Ռուդոլֆ Ժան Տրեֆֆերսի հետ մարտի 24-ի հանդիպմանը
Հայաստանի էկոնոմիկայի նախարար Ներսէս Երիցյանը նրան տեղեկացրել է,
որ Հայաստանի կառավարութեան կողմից մշակուած հակաճգնաժամային
ծրագրին: Նախարարը նշել է, որ ծրագրով նախատեսւում է պետութեան
կողմից վարկեր տրամադրել փոքր եւ միջին ձեռնարկութիւններին,
լայնածաւալ շինարարական աշխատանքներ կազմակերպել աղէտի գօտում, մի
շարք ծրագրեր իրականացնել ճանապարհաշինութեան ոլորտում եւ այլն:
Բացի այդ, աշխատանքներ են տարւում ենթակառուցվածքային
բարեփոխումների իրականացման, կայուն կառավարման համակարգերի
հիմքերի ստեղծման եւ կարողութիւնների ձեւաւորման ուղղութեամբ:
Ըստ ՀՀ Էկոնոմիկայի նախարարութեան Տեղեկատուութեան եւ
հասարակայնութեան հետ կապերի բաժնի հաղորդագրութեան, զրոյցի
ընթացքում քննարկուել են տնտեսական համագործակցութեանն առնչուող մի
շարք այլ հարցեր: Ն.Երիցյանը եւ Ռ.Ժ.Տրեֆֆերսը անդրադարձել են նաեւ
հայ-թուրքական սահմանի հնարաւոր բացմանն ու Հայաստանի տնտեսութեան
վրայ դրա ազդեցութեանը:
Ռ.Ժ.Տրեֆֆերսը հանդիսանում է 13 երկրների խմբի` այդ թւում
նաեւ Հայաստանի, տարածաշրջանային ղեկավարը: Նրա այցի հիմնական
նպատակն էր` ծանօթանալ Հայաստանի տնտեսութեան զարգացման
ուղղութիւններին համաշխարհային ֆինանսատնտեսական ճգնաժամի
պայմաններում, ինչպէս նաեւ քննարկել ՀՀ կառավարութեան կողմից
մշակւող եւ իրականացyող հակաճգնաժամային ծրագրերը: