Հայաստանի կառավարութիւնը չի ցանկանում հետեւել ԱՄՆ-ի
կառավարութեան օրինակին
18-03-2009 22:00:00 | Հայաստան | Տնտեսութիւն
ԵՐԵՎԱՆ, 18 ՄԱՐՏԻ, ՆՈՅԵԱՆ ՏԱՊԱՆ: Համաշխարհային Բանկի եւ այլ
միջազգային ֆինանսական կազմակերպութիւնների կողմից տրամադրուող
գումարները աւելի շատ նպաստում են Հայաստանի բանկերի հարստացմանը,
քան փոքր եւ միջին ձեռնարկութիւնների զարգացմանը: Այս մասին մարտի
18-ին Ազգային ժողովում յայտարարեց «Օրինաց երկիր» խմբակցութեան
անդամ Արծրունի Աղաջանեանը: Նա կոչ արեց կառավարութեանը առանց
բանկերի մասնակցութեան տրամադրել այս վարկային միջոցները
ձեռնարկութիւններին, այսպիսով ապահովելով վարկերի փոքր
տոկոսադրույթներ:
Ֆինանսների նախարար Տիգրան Դավթեանը նշեց, որ միջազգային
ֆինանսատնտեսական ճգնաժամի պայմաններում կառավարութիւնում
ստեղծուած օպերատիւ արձագանքման շտաբը որոշ ձեռնարկութիւնների
ֆինանսական միջոցներ տրամադրում է, սակայն դա հնարաւոր է միայն բացառիկ
դէպքերում: Ընդանուր առմամբ, ըստ նախարարի, փոքր եւ միջին
ձեռնարկութիւններին վարկերի տրամադրումը կառավարութեան
իրաւասութիւնների մէջ չի մտնում, եւ արւում է բանկային համակարգի
միջոցով, ինչպէս ընդունուած է ողջ աշխարհում: Ինչ վերաբերում է
բանկերի կողմից արտօնեալ պայմաններով ստացուած վարկաիյին միջոցների
բարձր տոկոսադրույթներով տրամադրմանը, ապա, ըստ նախարարի, դրանք
արդարացուած են, հաշուի առնելով երկրում ստեղծուած տնտեսական
իրավիճակից բխող ռիսկերը:
Չհամաձայնելով նախարարի փաստարկներին, պատգամաւորը յիշեցրեց,
որ ճգնաժամի հետեւանքները կանխելու նպատակով ԱՄՆ-ի
կառավարութիւնը կարողացել է բաշխել 800 մլրդ դոլար: