ՏԿ նախարարը չի բացառում տրանսպորտի սակագների բարձրացում
18-03-2009 21:00:00 | Հայաստան | Տնտեսութիւն
ԵՐԵՎԱՆ, 18 ՄԱՐՏԻ, ՆՈՅԵԱՆ ՏԱՊԱՆ: ՀՀ տրասպորտի եւ կապի
նախարարը չի բացառում տրանսպորտի սակագների բարձրացման
հնարաւորութիւնը: Մարտի 18-ի Ազգային ժողովի նիստի ընթացքում ի
պատասխան «ՀՅԴ» խմբակցութեան անդամ Ռուզան Խաչատրեանի հարցին,
նախարար Գուրգէն Սարգսեանը նշեց, որ նման անհրաժեշտութիւն կարող է
առաջանալ ապրիլի 1-ից նախատեսւող գազի սակագնի բարձրացման
արդիւնքում:
Ըստ նախարարի, տրանսպորտի սակագինը հանդիսանում է մրցութային
պայման, եւ այն փոփոխելու համար տրանսպորտային ընկերութիւնները
պէտք է նախարարութեանը դիմում ներկայացնեն, ուր նշուած կլինի
սակագնի առաջարկուող փոփոխութեան հիմնավորումը: Այս հիմնավորումների
ուսումնասիրութեան արդիւնքում դիմումները կարող են բաւարարուել: