Հայաստանի վարչապետը դեռեւս վաղաժամ է համարում բիւջէում
կատարել արմատական փոփոխութիւն
05-03-2009 22:00:00 | Հայաստան | Տնտեսութիւն
ԵՐԵՎԱՆ, 5 ՄԱՐՏԻ, ՆՈՅԵԱՆ ՏԱՊԱՆ: Դեռեւս վաղաժամ է խօսել ՀՀ
բիւջէի արմատական փոփոխութիւնների մասին,- մարտի 5-ին յայտարարեց
ՀՀ վարչապետ Տիգրան Սարգսեանը` պատասխանելով լրագրողներից մէկի
հարցին` թէ համաշխարհային ֆինանսա-տնտեսական ճգնաժամի պատճառով
բիւջէի վերահաշվարկ կատարվելո՞ւ է: Նա պարզաբանեց, որ բիւջէի
ճկունութիւնը հնարաւորութիւն է տալիս վերաբաշխել ծախսերը ըստ
եռամսյակների` առաջին եռամսյակների ընթացքում զերծ մնալ որոշակի
ծախսերից, հետաձգելով դրանք մինչեւ 4-րդ եռամսյակ: Ըստ նրա, եթէ
իրադարձութիւնները զարգանան աւելի լաւատեսական սցենարով, ապա
վերանայումների կարիք չի լինի, իսկ յոռետեսական սցենարով
զարգացումների դէպքում կառավարութիւնը կանդրադառնա բիւջէտային
խնդիրներին: