Աշխատանքային այցով Հայաստան է ժամանել ԱՄԷ-ի արտաքին առեւտրի
նախարարը
04-03-2009 23:00:00 | Հայաստան | Տնտեսութիւն
ԵՐԵՎԱՆ, 4 ՄԱՐՏԻ, ՆՈՅԵԱՆ ՏԱՊԱՆ: Հայաստանի էկոնոմիկայի
նախարար Ներսէս Երիցյանի հրաւէրով մարտի 4-ին աշխատանքային այցով
Հայաստան է ժամանել Արաբական Միացեալ Էմիրությունների արտաքին
առեւտրի նախարար Շեյխա Լուբնա Ալ-Կասիմին: Ըստ ՀՀ Էկոնոմիկայի
նախարարութեան Տեղեկատուութեան եւ հասարակայնութեան հետ կապերի
բաժնի հաղորդագրութեան, այցի շրջանակներում Շեյխա Լուբնա
Ալ-Կասիմին հանդիպումներ կունենայ ՀՀ նախագահի, Ազգային Ժողովի
նախագահի, վարչապետի եւ արտաքին գործերի նախարարի հետ:
Մարտի 5-ին նախատեսւում է նախարարի այցը Նոր Հաճնի ադամանդի
արտադրական ձեռնարկութիւններ եւ Ծաղկաձոր: Նոր Հաճնում նրան
կներկայացուեն Հայաստանում ակնագործութեան եւ ոսկեգործութեան ոլորտի
ներկայ վիճակը, կիրառուող տեխնոլոգիաները, զարգացման հնարաւոր
ուղղութիւնները, ներդրումների եւ արտահանման հնարաւորութիւնները:
Ծաղկաձորում նախարարը կծանօթանայ գիւղմթերքների արտադրութեան,
վերամշակման առկայ վիճակին ու պոտենցիալին, ներդրումների եւ
արտահանման հնարաւորութիւններին, ինչպէս նաեւ տուրիզմի ոլորտում
համագործակցութեան եւ ներդրումային ծրագրերի իրականացման
հնարաւորութիւններին:
Այցի աւարտին նախարարը կայցելի Սերգեյ Փարաջանովի
տուն-թանգարան: