ՀՀ վարչապետը, ԿԲ-ի նախագահն ու էկոնոմիկայի նախարարը պէտք է
հրաժարական տան,- ասում է տնտեսագէտ Անդրանիկ Թեւանյանը
04-03-2009 21:00:00 | Հայաստան | Տնտեսութիւն
ԵՐԵՎԱՆ, 4 ՄԱՐՏԻ, ՆՈՅԵԱՆ ՏԱՊԱՆ: Հայաստանում ստեղծուած
տնտեսական իրավիճակը մեծամասամբ պայմանաւորուած է ոչ թէ միջազգային
ֆինանսա-տնտեսական ճգնաժամով, այլ Հայաստանի կառավարութեան
տնտեսական եւ Կենտրոնական բանկի դրամավարկային քաղաքականութեան
հետեւանքով: Այս մասին մարտի 4-ի ասուլիսում յայտարարեց տնտեսագէտ
Անդրանիկ Թեւանյանը: Ըստ նրա, Հայաստանում տեղի ունեցող տնտեսական
գործընթացները միջազգային պրոցեսներով պայմանաւորուած են միայն
10-20%-ով, իսկ մնացածը` ներքին քաղաքականութեան հետեւանք է:
Ա.Թեւանյանի խօսքերով, մարտի 3-ը կարելի է անուանել «սեւ
երեքշաբթի»: Ըստ նրա, երէկ հանրապետութիւնում բացարձակ
անիշխանութիւն էր տիրում, քանի որ Հայաստանի տնտեսութեան համար
պատասխանատու 2 դէմքերը` ՀՀ նախագահն ու վարչապետը, բացարձակապէս
չեն խօսել լողացող փոխարժէքի մասին: Տնտեսագէտը նշեց, որ դեռեւս
անցած տարուայ կէսերից էր խոսւում այն մասին, որ պէտք է անցնել
կառավարելի լողացող փոխարժէքի, այսինքն իւրաքանչիւր շաբաթ
փոխարժեքը բարձրացնել 5-10 դրամով, ինչը ցնցումներ չէր առաջացնի,
իսկ 370 մլն դոլարի պատուստները չեն վատնվի: Սակայն, իշխանութեան
ներկայացուցիչները դա սխալ քայլ են համարել: Հիմա, ըստ
Ա.Թեւանյանի, վիճակը օրհասական է, իսկ պահուստները մաշուել են եւ
մօտեցել 1 միլիարդի սահմանագծին:
Տնտեսագետի գնահատմամբ, այն քայլերը, որ արուել են
իշխանութիւնների կողմից, ոչ թէ տնտեսագիտութեան, այլ
քրեագիտության ոլորտից են: «Ես կխնդրեմ, որ դատախազութիւնը
քրէական գործ յարուցի եւ պարզի, թէ ինչպէս եղավ, որ մէկ օր առաջ
մարդիկ 31 մլն դոլարից աւելի բորսայում վաճառք են իրականացրել 307
դրամով, իսկ յաջորդ օրը ԿԲ-ն 372 դրամով դոլար է վաճառում»,-
յայտարարեց Ա.Թեւանյանը: Տնտեսագետի կարծիքով, դրա համար պէտք է
պատասխան տան կոնկրետ պաշտոնեաներ, իսկ վարչապետը, ԿԲ-ի նախագահն
ու էկոնոմիկայի նախարարը պէտք է հրաժարական տան: Բացի դրանից, ըստ
Ա.Թեւանյանի, դատախազութիւնը պէտք է պարզի, թէ վերջին 5 օրուայ
ընթացքում ովքեր են եղել դոլարի հիմնական գնորդները, ինչպէս նաեւ
կապիտալի ինչ արտահոսք է եղել Հայաստանից: