Ներսէս Երիցյանը մասնակցել է Զարգացող շուկաների ներդրողների
Ցյուրիխում կազմակերպուած կլոր սեղանին
27-01-2009 18:20:00 | | Տնտեսութիւն
ՑՅՈՒՐԻԽ, 27 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանի էկոնոմիկայի
նախարար Ներսէս Երիցյանը յունվարի 27-ին մասնակցել է Ցյուրիխում
կազմակերպուած Զարգացող շուկաների ներդրողների կլոր սեղանի
աշխատանքներին եւ հանդէս եկել ելոյթով: Ինչպէս նշուած է ՀՀ
Էկոնոմիկայի նախարարութեան Տեղեկատուութեան եւ հասարակայնութեան հետ
կապերի բաժնի հաղորդագրութիւնում, այս միջոցառումը նախորդում է
Դավոսի համաշխարհային տնտեսական համաժողովին:
Զարգացող շուկաների ներդրողների կլոր սեղանին մասնակցում են
աշխարհի տարբեր մայրցամաքների երկրների աւելի քան 200 տնտեսական
փորձագետներ, հանրայայտ կազմակերպութիւնների եւ ընկերութիւնների
ներկայացուցիչներ:
Կլոր սեղանի քննարկումների թեման է` զարգացող շուկաների վրայ
գլոբալ տնտեսութեան անկման ազդեցութիւնը, միջոցառման կազմակերպման
առաջնային նպատակը` տնտեսական ճգնաժամի հետեւանքով առաջացած
մարտահրավերներին դիմակայելու համար կարճաժամկէտ եւ երկարաժամկէտ
ներդրումային ծրագրերի շրջանակում նոր գաղափարների,
առաջարկութիւնների եը նախագծերի բացայայտումը: