Ըստ ԱԺ պատգամաւորների, հարկային օրէնսդրութեան
փոփոխութիւնները կարող են վտանգել Հայաստանի տնտեսութիւնը
05-12-2008 19:00:00 | Հայաստան | Տնտեսութիւն
ԵՐԵՎԱՆ, 5 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2009թ.-ի պետբիւջէի
կատարումն ապահովելու նպատակով ՀՀ կառավարութեան կողմից Ազգային
Ժողովին ներկայացուած հարկային օրէնսդրութեան փոփոխութիւնները
միջազգային տնտեսական ճգնաժամի պայմաններում կարող են վտանգաւոր
լինել Հայաստանի տնեսության համար: Դեկտեմբերի 5-ի ԱԺ Տնտեսական
հարցերով մշտական յանձնաժողովի նիստում նման մտահոգութիվւն
յայտնեցին մի շարք պատգամաւորներ: Մասնաւորապէս, ըստ «ՀՅԴ»
խմբակցութեան անդամ Արծուիկ Մինասեանի, ծանր հարկային բեռը կարող է
նուազեցնել ձեռնարկութիւնների շրջանառու միջոցները եւ խոչընդոտել
դրանց գործունէութեան ընդլայնմանը:
Կառավարութեան ներկայացրած փաթեթում ներառուած են 11
օրինագծեր, որոնց թւում են աւելացուած արժէքի հարկի, շահութահարկի,
հաստատագրուած վճարի, արտոնավճարների հետ կապուած նախագծեր: Ինչպէս
նշեց Պետեկամուտների կոմիտէի նախագահի տեղեկալ Ահարոն
Չիլինգարեանը, դրանցում առաջարկուող փոփոխութիւնները ուղղուած են
ներդրումների եւ տեղական արտադրութեան խրախուսմանը:
Մասնաւորապէս, առաջարկւում է միասնական հարկային ռեժիմի
ընտրութեան հնարաւորութիւն տալ տարեկան 58,2 մլն դրամից աւելի
պակաս շրջանառություն ունեցող այն ձեռնարկութիւններին, որոնց
գործունէութեան մի մասը հարկվում է հաստատագրուած վճարների միջոցով:
Նման ձեռնարկութիւնների թուին են պատկանում, մասնաւորապէս,
հիւրանոցային տնտեսությունները եւ վարսավիրանոցները: Ըստ
Ա.Չիլինգարեանի, այս փոփոխությունն արւում է հենց ձեռներեցների
ցանկությամբ, վերջիններիս երկարատեւ ստուգումներից եւ աւելորդ
թղթաբանությունից ազատելու նպատակով:
Պատգամաւորների կարծիքով, հաստատագրուած վճարների
դրոյքաչափերի աւելացումը ռիսկային է: Մասնաւորապէս, խօսքը գնում է
որակաւորում չունեցող հիւրանոցների համար հաստատագրուած վճարի
մաին, որը նախատեսւում է սահմանել ամսական 3 հազար դրամ մէկ
քառակուսի մետրի դիմաց, ինչը, ըստ պատգամաւորների, չափազանց մեծ
գումար է:
Խորհրդարանականները դժգոհութիւն յայտնեցին նաեւ
գիւղատնտեսութեան բնագաւառում ԱԱՀ-ի ներդրման մեխանիզմի
առնչութեամբ: Ըստ «Ժառանգութիւն» խմբակցութեան անդամ Լարիսա
Ալավերդեանի, ֆերմերային տնտեսութիւններ ստեղծելու առաջարկը
յիշեցնում է խորհրդային տարիների կոլեկտիվիզացիան, որը, ըստ այն
ժամանակուայ օրէնքի, եւս պէտք է որ կամաւոր լիներ: