Հրանուշ Յակոբեանը պատրաստակամութիւն է յայտնել աջակցել
Յակոբ Գազազյանին իր աշխատութիւնը գիտական շրջանակներում
ներկայացնելու գործում
16-06-2010 20:54:00 | Հայաստան | Հասարակութիւն
ԵՐԵՎԱՆ, 16 ՅՈՒՆԻՍԻ, ՆՈՅԵԱՆ ՏԱՊԱՆ: Հայաստանի սփիւռքի
նախարար Հրանուշ Յակոբեանը յունիսի 16-ին ընդունել է Լոս Անջելէսի
միացեալ դպրոցական համակարգի (Los Angeles Unified School
District) աւագ դպրոցի ֆիզիկայի ուսուցիչ, գիտնական Յակոբ
Գազազյանին: Վերջինս հրատարակել է «Օգտակարություն ժամանակի եւ
տնտեսական նպատակի ընդհանուր տեսություն» աշխատութիւնը, որում
փորձում է բաւարար պատկերացում տալ սոցիալ-տնտեսագիտութեան
հիմնահարցերի մասին: Հ.Գազազեանը նպատակ ունի գիտական լուրջ կապեր
հաստատել Հայաստանի Գիտութիւնների Ազգային Ակադեմիայի հետ:
Հ.Յակոբեանը պատրաստակամութիւն է յայտնել աջակցել
համապատասխան գիտական շրջանակներում նշեալ աշխատութիւնը եւ նոր
գաղափարները ներկայացնելու գործում:
Նախարարը ներկայացրել է ՀՀ Սփիւռքի նախարարութեան
գործունէութիւնն ու ծրագրերը` մասնաւորապէս անդրադառնալով «Մեր
մեծերը», «Արի տուն» եւ այլ ծրագրերին:
Ինչպէս «ՆՏ»-ին յայտնեցին ՀՀ Սփիւռքի նախարարութեան Մամուլի
եւ հասարակայնութեան հետ կապերի վարչութիւնից, Հ.Յակոբեանը
տեղեկացրել է նաեւ նախարարութեան «Հայերն այսօր» էլեկտրոնային
պարբերականի մասին, որից կարելի է տեղեկանալ ոչ միայն Հայաստանում,
այլ նաեւ Սփիւռքի հայկական համայնքներում կատարւող
իրադարձութիւններին: