Հայաստանի Ազգային Ժողովի առաջիկայ նիստերի օրակարգի
նախագծում ընդգրկուել են 84 հարց եւ միջազգային 20 պայմանագիր
14-05-2010 20:40:00 | Հայաստան | Քաղաքական
ԵՐԵՎԱՆ, 14 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 14-ին ՀՀ Ազգային
Ժողովի աշխատանքային խորհրդակցութիւնում, որը նախագահում էր ՀՀ ԱԺ
նախագահ Հովիկ Աբրահամեանը, քննարկուել են չորրորդ գումարման ԱԺ
եօթերորդ նստաշրջանի օրակարգում լրացումներ կատարելու մասին
որոշման նախագիծը եւ մայիսի 17-20-ի ԱԺ քառօրեայ նիստերի օրակարգի
որոշման նախագիծը: ԱԺ եօթերորդ նստաշրջանի օրակարգի լրացումներ
բաժնում ընդգրկուել է 17 հարց: ԱԺ առաջիկայ նիստերի օրակարգի
նախագծում ընդգրկուել են 84 հարց եւ միջազգային 20 պայմանագիր:
Ըստ ՀՀ ԱԺ Հասարակայնութեան եւ տեղեկատուութեան միջոցների հետ
կապերի վարչութեան հաղորդագրութեան, չորրորդ գումարման ԱԺ եօթերորդ
նստաշրջանի օրակարգում լրացումներ կատարելու մասին որոշման
նախագիծը եւ մայիսի 17-20-ի ԱԺ նիստերի օրակարգի նախագիծը
կհաստատուեն ԱԺ-ի մայիսի 17-ի նիստում: