ԵՐԵՎԱՆ, 13 ՄԱՅԻՍԻ, ՆՈՅԵԱՆ ՏԱՊԱՆ: Հայաստանի Մարդու իրաւունքների պաշտպան Արմէն Յարութիւնեյանը եւ ԵԽ Խորհրդարանական վեհաժողովի նախագահ Մեվլութ Չավուշօղլուի մայիսի 13-ի հանդիպման ընթացքում քննարկուել են ինչպէս Հայաստանում, այնպէս էլ տարածաշրջանում մարդու իրաւունքների պաշտպանութեան մարտահրավերները: Նշելով Պաշտպանի դերը ԵԽ-ում Հայաստանի կողմից ստանձնած պարտաւորութիւնների կատարման գործում, ԵԽԽՎ նախագահը կարեւորել է ԵԽ Խոշտանգումների Կանխարգելման Կոմիտէի զեկոյցի առաջարկների կատարման, ընտրական օրէնսգրքի կատարելագործման, ինչպէս նաեւ արդարադատութեան համակարգի բարեփոխման գործընթացները: Ըստ ՀՀ Մարդու իրաւունքների պաշտպանի Տեղեկատուութեան եւ հասարակայնութեան հետ կապերի բաժնի մամլոյ հաղորդագրութեան, հանդիպման ընթացքում Ա.Յարութիւնեյանը ներկայացրել է իր 2009թ.-ի տարեկան եւ Արդար դատաքննութեան վերաբերեալ արտահերթ հրապարակային զեկույցները: Խօսելով մարդու իրաւունքների պաշտպանութեան մարտահրավերների մասին, Պաշտպանը նշել է հանդուրժողականութեան մթնոլորտի զարգացման եւ երկխօսութեան մշակոյթի ձեւաւորման կարեւորութիւնը ինչպէս երկրի ներսում, այնպէս էլ տարածաշրջանում: ԵԽԽՎ նախագահը յայտնել է, որ Թուրքիայում մօտակայ ամիսների ընթացքում նախատեսւում են սահմանադրական փոփոխութիւններ, որոնց արդիւնքում այդ երկրում կստեղծուի Օմբուդսմանի հաստատութիւն: Ա.Յարութիւնեյանը պատրաստակամութիւն է յայտնել օժանդակության եւ յետագայ համագործակցութեան ձեւաւորման գործընթացում:

---