Էդվարդ Նալբանդեան. ԵՄ եւ Հայաստանի միջեւ ճանապարհ է բացւում
նոր որակական յարաբերութիւնների հաստատման վերաբերեալ
երկխոսություններ անցկացնելու համար
12-05-2010 21:30:00 | Հայաստան | Քաղաքական
ԵՐԵՎԱՆ, 12 ՄԱՅԻՍԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: ՀՀ ԱԳ
նախարարութիւնը մամուլին է տրամադրել ՀՀ ԱԳ նախարար Էդվարդ
Նալբանդեանի մեկնաբանութիւնը ԵՄ կողմից Հայաստանի հետ ասոցացման
համաձայնագրի վերաբերեալ բանակցութիւնները սկսելու մանդատի
հաստատման վերաբերեալ: Ըստ ՀՀ ԱԳ նախարարի, Հայաստանը ողջունում է
Եւրամիութեան կողմից Հայաստանի հետ ասոցացման համաձայնագրի
վերաբերեալ բանակցութիւնները սկսելու մանդատի հաստատումը: «Դրանով
ճանապարհ է բացւում Եւրամիութեան եւ Հայաստանի միջեւ նոր որակական
յարաբերութիւնների հաստատման վերաբերեալ երկխոսություններ
անցկացնելու համար: Բրիւսէլի եւ Երեւանի միջեւ շփումները առաւել
կակտիւանան եւ աւելի ինտենսիվ բանակցութիւններ կունենանք
Եւրամիութեան ղեկավարութեան հետ: Սա նաեւ լաւ լուր է Հայաստանի
Հանրապետութեան Նախագահի Բրիւսէլ այցելութեանն ընդառաջ, որը
հնարաւորութիւն կտայ Եւրամիութեան ղեկավարությաան հետ առարկայական
խորհրդակցութիւններ անցկացնելու համար», - նշել է նախարար
Նալբանդեանը:
Մեկնաբանութեան կադրերը հնարաւոր է ձեռք բերել հետեւեալ
ինտերնետային կայքից` http://mail.mfa.am/video/video.html: