Մոսկուայում լոյս է տեսել «Երուսաղեմի հայոց սրբավայրերը»
գիրքը
10-05-2010 20:37:00 | Ռուսաստան | Հասարակութիւն
ՄՈՍԿՈՒԱ, 10 ՄԱՅԻՍԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Մոսկուայի
«Սլովո» հրատարակչութիւնը վերահրատարակել է Էմմանուել վարդապետ
Աթաջանեանի եւ Գեւորգ Մադոյեանի «Երուսաղեմի հայոց սրբավայրերը»
գիրքը, որը Երուսաղեմի եւ նրա արուարձանների Հայոց սրբավայրերի
պատմատեղեկատվական ակնարկների ժողովածու է: Գրքում սրբավայրերի
պատկերները համադրւում են հայերէն-անգլերէն-ռուսերէն
ծանոթագրություններով: Այս մասին տեղեկացնում է «Արաքս»
պարբերականը:
Յուշարձանների հարուստ, գեղեցիկ պատկերներով հատուածներում
չքնաղ պատմություններ կան, որ հայ եկեղեցու, նաեւ հայոց պատմութեան
մոռացուած գոհարներ են մատուցում եւ մեզ, եւ օտարներին: Երուսաղեմի
հայկական սրբավայերի պատկերները, նրանց գտնուելու վայրի յստակ
ցուցումներով, գրքում տասնեակներով են: Արդէն Զ դարում Աւետեաց
երկրում 70-ից աւելի հայկական եկեղեցիներ են եղել, իսկ շուտով
հիմնուել է նաեւ Հայոց պատրիարքությունը: Այսօր Տնօրինական
ամենակարեւոր վայրերում պարտադիր տիրույթներ ունի Հայ եկեղեցին: Ս.
Երկրում Հայ եկեղեցին կոչւում է Հայոց ուղղափառ եկեղեցի` Արեւելյան
ուղղափառներին պատկանելու եւ ցայսօր դաւանանքն անբիծ պահելու
համար: «Երուսաղեմի հայոց սրբավայրերը» գիրք-ուղեցույցը
Երուսաղեմում յայտնուած եւ սրբավայրերով հետաքրքրուած հայի, նաեւ
օտարերկրացու համար անփոխարինելի ուղեցոյց է, միաժամանակ մեր
հաւատի ու այդ յուշարձանների հետ կապուած պատմութեան վկայութիւն
են:
Մարիետա Խաչատրեան