«Հայերի նկրկնակի մահը». յօդուած` իսպանական թերթում
10-05-2010 20:30:00 | | Քաղաքական
ՄԱԴՐԻԴ, 10 ՄԱՅԻՍԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Իսպանական "La
Vanguardia" պարբերականը անդրադարձել է Հայերի Ցեղասպանութեան
խնդրին, պնդելով, որ հայերին «ոչնչացրել են երէկ եւ մոռանում են
այսօրե»:
Ինչպէս փոխանցում է «Ազգ»_ը, թերթը գրել է. «Շուրջ 1,6 մլն
հայեր Օսմանեան կայսրութիւնում 1915-1918-ին ենթարկվեցին
պարբերական ոչնչացումների: Նրանց մեղքը միայն այն էր, որ հայ էին`
Օսմանեան կայսրութեան թշնամի ազգություններից մէկը: Նոյնիսկ այժմ`
իրադարձութիւններից այսքան տարի անց, Թուրքիան շարունակում է
պաշտօնապէս հերքել Ցեղասպանութիւնը եւ հայերի բռնի վտարման
փաստերը: Այնինչ Հայոց ցեղասպանութիւնը 20-րդ դարի առաջին
Ցեղասպանութիւնն է, եւ հենց այն է ոգեշնչել Հիտլերին` 1933-1945-ը
սպանել ու հետապնդել 6 մլն հրեաների, ոչնչացնել նրանց ֆաշիստական
ճամբարներում: «Որքա՞ն հայեր դեռ պէտք է անհաւասար պայքար մղեն
թուրքական քարօզչութեան եւ մեր «յարմար անտարբերութեան» դէմ:
Ստացուել է այնպէս, որ հայերը ոչնչացուել են երկու անգամ. բառիս բուն
իմաստով ոչնչացուեցին «երէկ», եւ երբ նրանք մոռացութեան են մատնուած`
այսօր: Ի տարբերութիւն հրեաների, որոնք կարողացան ստեղծել
միջավայր` իրենց կոլեկտիւ յիշողութեան պահպանման համար, հայերին
վիճակուած է ամէն օր տանել սեփական ցավը` ուրացման եւ
անտարբերութեան պատճառով, որը նրանց դարձնում է այսօրուայ զոհերը, ոչ
թէ երեկվա»: