Եգիպտոսում Հայաստանի դեսպանատունը մասնակցել է Ազգային
խոհանոցների դիւանագիտական փառատոն-ցուցահանդեսին
05-05-2010 21:30:00 | | Մշակոյթ
ԿԱՀԻՐԷ, 5 ՄԱՅԻՍԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Մայիսի 4-ին
Եգիպտոսում Հայաստանի դեսպանութիւնը մասնակցեց Կահիրէի Ազգային
խոհանոցների դիւանագիտական փառատոն-ցուցահանդեսին: ՀՀ ԱԳ
նախարարութեան մամլոյ ծառայութիւնից ստացուած հաղորդագրութեան
համաձայն, փառատօնին, որը նախաձեռնել էր Եգիպտոսի Արտաքին գործերի
նախարար Ահմեդ Աբուլ Ղեյտի տիկինը` Լեյլա Աբուլ Ղեյտը, մասնակցեցին
աւելի քան 50 երկրների դեսպանություններ, մեծ հետաքրքրութիւն էր
առաջացրել Կահիրէի հասարակութեան լայն շրջանում:
Հայաստանի տաղաւարի պատշաճ կազմակերպմանը իր ակտիւ
մասնակցութիւնը բերեց Եգիպտահայ Տիկնանց Յանձնախումբը:
Արաբական, Եւրոպական, Լատինական Ամերիկայի, Հեռաւոր Արեւելքի
եւ Աֆրիկեան երկրների խոհանոցների կողքին Հայկական աւանդական
ուտեստները, քաղցրավենիքն ու գինին արժանացան եգիպտացի եւ
օտարերկրեայ այցելուների ամենաբարձր գնահատականին: