Ըստ Արտյուշ Շահբազեանի, եթէ Թուրքիան արձանագրութիւնները
չվավերացնի, ապա նշանակի, որ դրանք «մեռած» են
30-04-2010 20:48:00 | Հայաստան | Քաղաքական
ԵՐԵՎԱՆ, 30 ԱՊՐԻԼԻ, ՆՈՅԵԱՆ ՏԱՊԱՆ: Ըստ Հայաստանի Ազգային
Ժողովի «ՀՅԴ» խմբակցութեան քարտուղար Արտյուշ Շահբազեանի, եթէ
Թուրքիայի խորհրդարանը հայ-թուրքական արձանագրութիւնները
չվավերացնի, ապա կնշանակի, որ դրանք «մեռած» են: Ապրիլի 30-ի
ճեպազրույցում դաշնակցական պատգամաւորն այսպէս արձագանքեց լրագրողի
հիշեցմանը, թէ նրա կուսակից Աղվան Վարդանեանն օրերս յայտարարել էր,
որ հայ-թուրքական արձանագրութիւնները փաստացի մեռած են եւ հազիւ
թէ ներկայիս տեսքով մտնեն Հայաստանի խորհրդարանի օրակարգ:
Պատգամաւորը նկատեց նաեւ, որ եթէ կայ այն կանխատեսումը կամ
հաւանականութիւնը, որ թուրքական խորհրդարանը կարող է երբեւէ այդ
արձանագրութիւնները վաւերացնել, ապա դա նշանակում է, որ հայկական
կողմի կատարած քայլը, որքանով էլ իր դրական կողմերը գնահատենք,
այնուամենայնիւ չի նշանակում լուրջ բեկում այս գործընթացում:
«Այսինքն կստացուի, որ այսօր մենք արդէն պայման ենք դնում, թէ երբ
Թուրքիան կվավերացնի, մենք մեխանիկօրէն վաւերացնում ենք: Նշանակում
է այդ կասեցման արժէքը մի քիչ յարաբերական է»,- ասաց դաշնակցական
պատգամաւորը: