Թուրքիայի ազգային անվտանգութեան խորհուրդը 6,5 ժամ շարունակ
քննարկել է իրադրութիւնը Կովկասում
30-04-2010 20:20:00 | | Քաղաքական
ԱՆԿԱՐԱ, 30 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Թուրքիայի
ազգային անվտանգութեան խորհուրդը 6,5 ժամ շարունակ քննարկել է
իրադրութիւնը Կովկասում եւ ընդհանուր առմամբ տարածաշրջանում:
Նիստին մասնակցել են Թուրքիայի նախագահ Աբդուլահ Գիւլը, վարչապետ
Ռեջեփ Թայիփ Էրդողանը, զու գլխաւոր շտաբի պետ Իլքեր Բաշբուղը, այլ
բարձրաստիճան պաշտոնեաներ,- տեղեկացնում է «Ռեգնումը»: Խորհրդի
նիստի արդիւնքների վերաբերեալ Թուրքիայի նախագահի աշխատակազմը
տարածել է հաղորդագրութիւն, որում, մասնաւորապէս նշւում է, թէ
հայ-թուրքական յարաբերութիւնների պատմութիւնը պէտք է
ուսումնասիրեն գիտական եւ ակադեմիական շրջանակները` հիմնուելով
օբյեկտիվ եւ ստուգուած փաստերի վրայ: Բացի դրանից` ասւում է, որ
Թուրքիան պատրաստ է յետագայում էլ ջանքեր գործադրել Հարաւային
Կովկասում խաղաղութիւն եւ կայունութիւն հաստատելու համար: Նիստից
յետոյ Թուրքիայի փոխվարչապետ Ջեմիլ Չիչեկը յայտարարել է, որ
հայ-թուրքական արձանագրութիւնները շարունակում են մնալ Թուրքիայի
օրակարգում: