Հայոց Մեծ Եղեռնի 95-ամեայ տարելիցի առթիւ Մայր թատրոնում
ցուցադրվել է Պերճ Զեյթունցյանի «Ոտքի, դատարանն է գալիս» դրաման
28-04-2010 19:06:00 | Հայաստան | Մշակոյթ
ԵՐԵՎԱՆ, 28 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի սփիւռքի
նախարարութեան եւ Հայկական Բարեգործական Ընդհանուր Միութեան
հովանաւորութեամբ ապրիլի 27-ին Գաբրիէլ Սունդուկեանի անուան Ազգային
ակադեմիական թատրոնում ցուցադրվել է Պերճ Զեյթունցյանի «Ոտքի,
դատարանն է գալիս» դրաման: Ըստ ՀՀ Սփիւռքի նախարարութեան Մամուլի
եւ հասարակայնութեան հետ կապերի վարչութեան հաղորդագրութեան,
ներկայացմանը, որ նուիրուած էր Հայոց Մեծ Եղեռնի 95-ամեայ տարելիցին,
ներկայ էին ՀՀ առաջին տիկին Ռիտա Սարգսեանը, ՀՀ սփիւռքի նախարար
Հրանուշ Յակոբեանը, արձակագիր-դրամատուրգ Պ.Զեյթունցյանը:
Վահէ Շահվերդյանի բեմադրած ներկայացման պրեմիերան կայացել է
2000թ.-ի սեպտեմբերի 16-ին: Գլխաւոր դերակատարումներով դրամայում
հանդէս են եկել ՀՀ վաստակաւոր արտիստներ Տիգրան Ներսիսեանը, Արմէն
Մարությանը, Ազատ Գասպարեանը, Գրետա Մեջլումեանը: