ԵԱՀԿ Մինսկի խմբի համանախագահները ակտիւացրել են իրենց
հանդիպումները
22-04-2010 21:30:00 | Հայաստան | Քաղաքական
ԵՐԵՎԱՆ, 22 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: ԵԱՀԿ-ի Մինսկի
խմբի համանախագահներ Եուրի Մերզլեակովը (Ռուսաստանի Դաշնութիւն),
Բերնար Ֆասիեն (Ֆրանսիա) եւ Ռոբերտ Բրադկեն (Ամերիկայի Միացեալ
Նահանգներ) ապրիլի 22-ին հանդիպել են Մոսկուայում եւ տարածել են
հետեւեալ յայտարարութիւնը.
«ԵԱՀԿ Մինսկի խմբի համանախագահներ Եուրի Մերզլեակովը, Բերնար
Ֆասիեն եւ Ռոբերտ Բրադկեն այս տարուայ ապրիլի 22-ին հանդիպել են
Մոսկուայում եւ քննարկել են վերջին զարգացումները, այդ թւում
Վաշինգտոնում, Բաքւում եւ Մոսկուայում տեղի ունեցած բարձր մակարդակի
հանդիպումները:
Համանախագահների կարծիքով, այդ հանդիպումները նոր լիցք են
հաղորդում Լեռնային Ղարաբաղի հակամարտութեան խաղաղ կարգաւորման
առաջընթացին` Մադրիդյան սկզբունքների հիման վրայ: Մայիսի սկզբին
ԵԱՀԿ-ի Մինսկի խմբի համանախագահները կմեկնեն Վիեննա` Մինսկի խմբին
այդ ջանքերի մասին տեղեկութիւններ յայտնելու համար»: