Լաուրա Գալայջյանն առաջին անգամ է ելոյթ ունենալու Փարիզում
10-04-2010 13:30:00 | | Մշակոյթ
ՓԱՐԻԶ, 10 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Ապրիլի 15-ին,
Փարիզի հայերի Սուրբ Խաչ կաթոլիկ եկեղեցում իր առաջին ելոյթը
կունենայ երգչուհի Լարուրա Գալայջեանը: Ֆոլկլոր-դասական համերգի
ընթացքում սոպրանո երգչուհուն կը նուագակցեն դաշնակահար եւ
թավջութակահար: Յայտնելով այս մասին, համերգի կազմակերպիչները
յաւելում են նաեւ, որ երեկոյի աւարտին երգչուհուն կմիանայ «մէկ
անակնկալ հիւր»:
Լաուրա Գալայջեանը ծնուել է 1972թ. Սիրիայում` Հալեպում: 17
տարեկանում նա Հալեպի հայ առաքելական Ս. Գրիգոր Լուսաւորիչ տաճարի
գլխաւոր երգեհոնահարն էր եւ երկար տարիներ երգչախմբի կազմում
կատարել է շարականներ:
2000թ. նա ամուսնացել է պատմաբան-քաղաքագէտ Աւետիս Գալայջյանի
հետ, որը եւ դարձել է նրա պրոդյուսերը եւ երգերի հեղինակը: 2002թ.
Լաուրան Սիրիայից տեղափոխուել է Հայաստան, որտեղ ձեռք է բերել ՀՀ
քաղաքացիություն, ինչպէս նաեւ ուսանել Երեւանի մշակոյթի
համալսարանում:
2006թ. Լաուրա Գալայջեանը թողարկել է իր առաջին
ձայնասկաւառակը` «Յաղթանակ» անուանմամբ:
Երեւանում եւ Հայաստանի շրջաններում նա բազմաթիւ անգամ
ելոյթներ է ունեցել դասական եւ ֆոլկլյոր ժանրերի միախառնությամբ:
Իր հեղինակի հետ միասին Լաուրան փորձում է դասական երկացանկը
համապատասխանեցնել հայ հայրենասիրական երգերին` ստեղծելով
ժամանակակից հայրենասիրական երգերի մի նոր ձեւ, որոնք ներկայացնում
են ներկայիս հայ իրականութիւնը: