ԱՀԿ-ի անդամ երկրներն ընդունել են ՀՀ-ի առաջին Առեւտրային
քաղաքականութեան վերլուծութեան/վերաքննութեան զեկույցները
08-04-2010 18:28:00 | | Տնտեսութիւն
ԺՆԵՎ, 8 ԱՊՐԻԼԻ, ՆՈՅԵԱՆ ՏԱՊԱՆ: Ապրիլի 8-ին Ժնեւում` Առեւտրի
համաշխարհային կազմակերպութեան կենտրոնակայնում (ԱՀԿ), տեղի է
ունեցել ԱՀԿ-ի քարտուղարության կողմից իրականացyող Հայաստանի
առեւտրային քաղաքականութեան վերաքննութեան (ԱՔՎ-Trade Policy
Review-TPR) մարմնի առաջին լիագումար նիստի ամփոփիչ նիստը:
Նիստը նախագահում էր ԱՀԿ-ում Թուրքիայի մշտական
ներկայացուցիչ, դեսպան Բոզկուրտ Արանը (Bozkurt Aran): Նախագահողի
ողջոյնի խօսքից յետոյ ՀՀ պատուիրակութեան ղեկավար, ՀՀ էկոնոմիկայի
նախարարի տեղակալ Մ.Թումասյանը անդրադարձել է ԱՀԿ-ի անդամ երկրների
կողմից բարձրացուած մի շարք հարցերին, ինչպէս նաեւ ներկայացրել
Հայաստանում իրականացyող բարեփոխումները եւ ետճգնաժամային փուլում
տնտեսութեան զարգացմանն ուղղուած նախաձեռնութիւնները:
Նիստում ելոյթ ունեցողները նշել են, որ Հայաստանը կարող է
համարուել ԱՀԿ-ի անդամ օրինակելի երկիր: Նրանք հորդորել են նոյն
ոգով շարունակել ԱՀԿ-ի համաձայնագրերի դրոյթներին Հայաստանի
տնտեսական օրէնսդրութեան համապատասխանեցման աշխատանքները եւ
բազմակողմ առեւտրային համակարգին Հայաստանի ինտեգրման խորացումը:
Ինչպէս «ՆՏ»-ին յայտնեցին ՀՀ Էկոնոմիկայի նախարարութեան
Տեղեկատուութեան եւ հասարակայնութեան հետ կապերի բաժնից,
քննարկումների արդիւնքում ԱՀԿ-ի անդամ երկրներն ընդունել են ՀՀ-ի
առաջին Առեւտրային քաղաքականութեան վերլուծութեան/վերաքննութեան
զեկույցները, որոնք կհրապարակուեն անգլերէն, ֆրանսերէն եւ իսպաներեն
լեզուներով առաջիկայ ամսուայ աւարտին: