ՏՈԿԻՈ, 10 ԱՊՐԻԼԻ, ՆՈՅԵԱՆ ՏԱՊԱՆ: Ճապոնիան յայտարարել է եւս
մէկ տարով Հիւսիսային Կորեայի նկատմամբ տնտեսական պատժամիջոցները
երկարացնելու մասին: Ճապոնիան կձեռնարկի նաեւ լրացուցիչ միջոցներ.
մասնաւորապէս, կարգելուի որոշ ապրանքների արտահանումը Հիւսիսային
Կորեա եւ կկրճատուեն Ճապոնիայից դէպի ԿԺԴՀ դրամական փոխանցումների
գումարները:
Այս որոշումն ընդունուել է հրթիռի արձակման առնչութեամբ, որ
ԿԺԴՀ-ն իրականացրել է կիրակի: Փհենյանը պնդում է, որ հրթիռն
արձակուել է «Կվանմենսոն-2» («Պայծառ աստղ») կապի արբանեակն ուղեծիր
դուրս բերելու նպատակով:
ԱՄՆ-ը եւ Ճապոնիան կասկածում են, որ Հիւսիսային Կորեան
իրականացրել է հեռահար գործողութեան «Տեպխոդոն-2» բալիստիկ հրթիռի
փորձարկում, որը կարող է հասնել մինչեւ Ալեասկա: